Zgjedhjet në Bosnje dhe Hercegovinë, Dodik shpall fitoren në entitetin serb

Partia e Millorad Dodikut shpalli fitoren në zgjedhjet në Republikën Sërpska, entitetin serb të Bosnje dhe Hercegovinës. Fitore shënuan partitë nacionaliste edhe në pjesë të tjera të vendit, rezultate këto që mund t’i mbajnë të larta tensionet si në Bosnje dhe Hercegovinë, ashtu edhe në rajon.
“Kemi fituar”, u tha Dodik mbështetësve të tij në Banjallukë, të dielën vonë.
Sipas tij, rezultatet preliminare tregojnë se Aleanca e Socialdemokratëve të Pavarur, SNSD, do të mbetet në pushtet në Republikën Sërpska.Qytetarët votuan më 4 tetor për Presidencën trepalëshe dhe Parlamentin e Bosnje dhe Hercegovinës, si dhe për organet legjislative në nivele të tjera, përfshirë Kuvendin e Republikës Sërpska.Ky sistem kompleks politik buron nga Marrëveshja e Dejtonit, e cila i dha fund luftës së viteve 1992-1995. Sipas kësaj marrëveshjeje, Bosnje dhe Hercegovina u nda në dy entitete me autonomi të gjerë – Republikën Sërpska dhe Federatën e Bosnje dhe Hercegovinës, me shumicë boshnjake dhe kroate.
Të dyja ato lidhen përmes institucioneve qendrore të shtetit, të cilat shpesh kanë funksionuar me vështirësi.
Në fjalimin pas zgjedhjeve, politikani prorus, Dodik, tha se, bazuar në rezultatet pas numërimit të 92 për qind të votave, kandidatja e SNSD-së, Zhelka Cvijanoviq, do të bëhet anëtare e Presidencës trepalëshe të Bosnje dhe Hercegovinës.Anëtari aktual properëndimor i Presidencës, Denis Beqiroviq, pritet ta fitojë ulësen boshnjake. Atyre pritet t’u bashkohet edhe Darijana Filipoviq nga Bashkimi Demokratik Kroat (HDZ), e cila parashikohet ta fitojë ulësen kroate.
Në moshën 39-vjeçare, Filipoviq pritet të bëhet anëtarja më e re e Presidencës së Bosnje dhe Hercegovinës që nga përfundimi i luftës së viteve 1992-1995.
Lexo edhe
BOTA
Goditi 76 herë me thikë ish-të dashurën 23 vite më të re, autori flet për herë të parë. Hyri në banesë me kopjet e çelësave

Zgjedhjet në Brazil/ Flavio Bolsonaro dhe Lula da Silva në balotazh, senatori i djathtë kryeson raundin e parë

Aksident i rëndë në Florida/ Autobusi i shkollës humbet kontrollin dhe përplaset, raportohen dy viktima dhe shtatë të plagosur

Kokainë në hotel, arrestohen 6 persona në Austri, mes tyre 3 shqiptarë

Vrasësi serial i udhëtarëve me çantë shpine në pyll mund të ketë zhdukur edhe 31 persona të tjerë

Dëbuan gruan 87-vjeçare, Sanchez njofton zgjedhjet e parakohshme

Paralajmëron Inteligjenca gjermane: Gjermania rrezikon konflikt të armatosur me Rusinë

Si arritën ushtarët të mashtronin 10 mijë persona duke u zhvatur 8 milionë dollarë. Roli i “Brajdenit”




