Në tregun e këmbimit valutor shqiptar, një dollar amerikan do të blihet sot me 80.4 lekë dhe do shitet me 81.4 lekë.
Ndërk...
BOTA
Zgjedhjet në Serbi/ Vuçiç nxjerr Xhandarmërinë në Beograd, kongresmeni amerikan: Ka raportime se po përgatit dhunë
PiranjatPërditësimi i fundit 25 Tetor 2026, 19:11
Në qendër të Beogradit, prania e policisë për kontrollin e trazirave u shtua gjatë pasdites. Gazeta serbe N1 raportoi se ndërtesa e Komisionit Republikan Zgjedhor ishte rrethuar me gardhe, ndërsa efektivët e policisë nuk lejonin askënd të afrohej, me përjashtim të gazetarëve të akredituar.
Portali informativ Nova raportoi se automjete të policisë për kontrollin e trazirave ishin vendosur përballë hyrjes kryesore të ndërtesës së Presidencës. Disa automjete të tilla u panë sot në qendër të Beogradit.
Prokuroria e Lartë Publike në Beograd u bëri thirrje “të gjithë pjesëmarrësve në procesin zgjedhor që të ulin tensionet mes tyre dhe të përmbahen nga sjelljet e papërshtatshme dhe të dhunshme”. Lidhur me këto zhvillime, ka reaguar edhe kongresmeni amerikan Joe Wilson, i cili bën thirrje për ruajtjen e qetësisë, mes raportimeve se qeveria mund të jetë duke u përgatitur për përdorimin e dhunës ndaj qytetarëve.
“Ndërsa populli serb u drejtohet kutive të votimit në numra historikë, jam thellësisht i shqetësuar nga raportimet se qeveria mund të jetë duke u përgatitur të përdorë dhunë ndaj qytetarëve, me qëllim pengimin e procesit të votimit. Sulme të tilla janë krejtësisht të papranueshme. I bëj thirrje Serbisë të ruajë paqen”, ka shkruar ai në platformën “X”.
Organizatat joqeveritare të monitorimit kanë raportuar një mori parregullsish në zgjedhje, nga presionet ndaj votuesve nga persona të maskuar, dhunimi dhe pengimi i raportimit të gazetarëve dhe deri te akuzat për mbushje ilegale me vota të kutive. Në një deklaratë për media, Komisioni Zgjedhor i ka quajtur incidentet si “të vogla” dhe sporadike, duke thënë se janë zgjidhur nga stafet e qendrave të votimit.
Vucic either loses power or tries to steal the election and risks becoming an international pariah. The heavy deployment of Serbia's police, gendarmerie, and armored vehicles to key locations in Belgrade suggest he is laying the groundwork for the latter. https://t.co/KrO7q7Fioo
