Studentët në Universitetin e Korçës kanë vijuar bojkotin e mësimit, në mbështetje të protestës studentore e ...
KOSOVA
I vëllai i vrau me sëpatë gruan, flet ish-bashkëshorti i Arlinda Zekajt: Jam munduar të parandaloj, djali ka nevojë për mua
PiranjatPërditësimi i fundit 28 October 2026, 15:18
Jeton Sylaj, ish-bashkëshorti i Arlinda Zekajt, ka kërkuar të mos mbahet në paraburgim, duke argumentuar se duhet të kujdeset për djalin e tij 12-vjeçar.
Gjatë seancës gjyqësore, ai ka shprehur keqardhje për vrasjen e ish-bashkëshortes së tij, ngjarje për të cilën dyshohet vëllai i tij, Albert Sylaj, i cili tashmë është ndaluar nga autoritetet.
Sipas deklarimeve të pasqyruara në vendimin e gjykatës, Jeton Sylaj ka pretenduar se ishte përpjekur të parandalonte ngjarjen tragjike.
“Ndjej keqardhje për këtë që ka ndodhur, jam munduar ta parandaloj”, citohet të ketë deklaruar ai para trupit gjykues.
Në argumentet e paraqitura kundër masës së paraburgimit, Sylaj ka theksuar se nuk ka dijeni për vendndodhjen e djalit të tij të mitur, duke këmbëngulur se fëmija ka nevojë për përkujdesjen e tij.
Ai ka pretenduar gjithashtu se nuk kishte mundësi të largohej, pasi dokumentet e udhëtimit, sipas tij, ndodheshin nën kontrollin e autoriteteve ose i ishin marrë nga e ndjera.
Megjithatë, sipas dosjes së Prokurorisë, gjatë marrjes në pyetje nga prokurori, Sylaj kishte pranuar se i kishte drejtuar fjalë kërcënuese ish-bashkëshortes. Ai i kishte justifikuar këto veprime me pretendimin se synonte të mbronte djalin e tyre 12-vjeçar.
Nga dokumentet e çështjes rezulton se procedimi kishte nisur më 10 korrik 2026, pas denoncimit të bërë nga Arlinda Zekaj ndaj ish-bashkëshortit për dhunë në familje dhe kanosje.
Katër ditë më vonë, më 14 korrik, gjatë paraqitjes në stacionin policor, Sylaj kishte zgjedhur të mos jepte deklarime, duke u shprehur se faktet do t'i paraqiste përpara prokurorit të shtetit.
Pavarësisht kundërshtimeve dhe argumenteve të paraqitura gjatë seancës, gjykata vendosi të caktojë ndaj Jeton Sylajt masën e paraburgimit prej një muaji.
