Mir Bruli, biznesmeni nga Velipoja dhe pronari i resortit turistik “Ara e Vjetër”, është transportuar nga burgu i Fierit drejt nj&eu...
SHOWBIZ
Kim Kardashian u martua me Kris Humphries pavarësisht dyshimeve, divorci erdhi pas 72 ditësh
PiranjatPërditësimi i fundit 28 October 2026, 12:21
Kim Kardashian ka rrëfyer se kishte dyshime përpara martesës me ish-basketbollistin e NBA-së, Kris Humphries, por vendosi të vazhdonte me ceremoninë nga frika se mos etiketohej si “nusja e arratisur”. Çifti u martua më 20 gusht 2011, por vetëm 72 ditë më vonë, ajo paraqiti kërkesën për divorc.
Sipas raportimeve nga mediat e huaja, në librin biografik 'Citizen Kim: The Woman Who Created the Future', Kardashian pranon se intuita i thoshte se nuk duhej të martohej, por presioni i xhirimeve televizive dhe frika nga reagimi i publikut ndikuan në vendimin e saj. Ajo mendonte se anulimi i dasmës në momentin e fundit do ta kthente në objekt talljeje.
Edhe nëna e saj, Kris Jenner, kishte vënë re se Kim nuk ishte e lumtur dhe i kishte ofruar mundësinë për ta anuluar ceremoninë. Megjithatë, martesa u zhvillua sipas planit. Vite më vonë, Kim pranoi se e kishte përballuar keq ndarjen dhe se i detyrohej një falje ish-bashkëshortit.
“U ndava me të në mënyrën më të keqe të mundshme dhe nuk dija si ta përballoja”, rrëfeu ajo në një episod të veçantë të Keeping Up with the Kardashians. Përvojën e përshkroi si një mësim të rëndësishëm, duke pranuar se kishte ndier presionin për të mos zhgënjyer të tjerët.
