Detaje të reja kanë dalë në dritë nga ngjarja e rëndë e regjistruar në fshatin Karkavec, në Njësinë Adm...
INVESTIGIME
Abuzime me fondet, ky është institucioni që jep kredi për makina luksoze me paratë e shqiptarëve
M.B.Përditësimi i fundit 11 Prill 2025, 22:08
TIRANA- Crimson Finance Fund Albania është një institucion financiar jo bankar, i cili është themeluar në vitin 2015-të për t’ju ardhur në ndihmë biznesve të vogla dhe të mesme përmes faktoringut dhe qirasë financiare, ose e njohur ndryshe si leasing. Faktoringu ju vjen në ndihmë bizneseve duke ju paguar faturat që nuk shlyhen nga debitorët dhe e anasjellta. Ndërsa, leasing ofrohet në rastet kur një biznes ka nevojë për makineri pune, të cilat blihen nga institucioni financiar dhe më pas ja jep me qira biznesit deri në shlyerjen e detyrimit dhe në fund asetet bëhen pjesë e biznesit.
Crimson Finanace Fund Albania ka disa ortakë në shoqëri, mes tyre edhe Bashkinë e Tiranës dhe Fondacionin Shqiptaro-Amerikan për Zhvillim. Bashkia e Tiranës si ortake në këtë institucion sot gëzon 926 mijë euro kontribut në kapital, ndërsa Fondacioni Shqiptaro-Amerikan për Zhvillim 1.1 milion euro. Këto shifra janë të rëndësishme të mbahen mend, sepse janë para të taksapguesve shqiptarë dhe atyre amerikanë.
Ndër vitet e operimit, Crimson Finance Fund Albania ka ndryshuar objektivin e saj, sepse në 2020 mori edhe një licencë për kredi dhe e gjithë kjo sepse nuk po gjente treg për faktoring. Për faktoringun, Crimosni ka dhënë shumë më pak para krahasuar me kreditë, ku ka derdhur miliona.
Por përveç kësaj, Crimson Finance Fund Albania i ka dhënë kredi një biznesi për blerjen e një makine luksoze. Kredia ka qenë në vlerën 36 mijë euro, ndërsa Crimsoni ka fituar 10 mijë euro përmes interesave të saj. Por problem nuk qëndron këtu, por te fakti që kjo kredi është financuar me paratë e taksapaguesve shqiptarë dhe amerikanë. Në lidhje me këtë situatë, “Piranjat” pyetën përfaqësuesen e Bashkisë së Tiranës, në bordin e Crimson Finance Fund Albania, zonjën Jonida Halili. Kjo e fundit nuk dha asnjë përgjigje, por angazhoi gjithë policinë bashkiake për të larguar gazetarët nga ambientet e bashkisë.
Ndërsa drejtuesit e Fondacionit Shqiptaro-Amerikanë për Zhvillim, Aleksandër Sarapuli dhe Martin Mata, thanë se sipas tyre është normale që një biznes të marrë kredi me taksat e shqiptarëve dhe amerikanevë për të blerë një makinë luksoze, për sa kohë i duhet për punët e bzinesit. Sa i përket ndryshimit të objektivit të Crimson Finance Fund Albania, duke kaluar nga faktoringu tek kredidhënia, Martin Mara u shpreh për “Piranjat” se kjo gjë ka ndodhur për shkak të mungesës së tregut dhe se do të duhej të ishte bërë më shumë në këtë drejtim.
