Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
INVESTIGIME
Harroi çfarë shpalli me zë e figurë!”-Longinoti kthen timonin, "shpëton" Veliajn nga inceneratori fantazmë?
PiranjatPërditësimi i fundit 30 Shtator 2025, 14:03
Dy media pranë qeverisë publikuan sot një deklaratë të Gabriele Tarroni Longinotti, i cili pas disa vitesh që kurse bëri deklarata publike me zë dhe figurë për përfshirjen e Erion Veliajt në mega-aferën e inceneratorëve, tani duket se ka ndryshuar qëndrim.
Mediat pranë qeverisë pretendojnë se biznesmeni italian sipas deklaratës, nuk e ka takuar kurrë Erion Veliajn, i cili sot ndodhet prapa hekurave për akuza të tjera dhe jo për inceneratorin fantazmë të Tiranës që gllabëroi dhjetëra milionë euro, sigurisht edhe me firmën e tij.
Tre vite pas intervistës së Gabriele Tarroni Longinotti dhënë për emisionin “Piranjat”, duket se tani ka ngrënë atë që ka thënë vetë me zë dhe figurë dhe mediat që i shërbejnë firmosësit të inceneratorit fantazmë të Tiranës duke anashkaluar mbledhjen e këshillit bashkiak, janë aty për t’i shërbyer sërish.
Vetë autori i emisionit, Taulant Koplikaj në një reagim në rrjetet sociale, thotë se Longinoti hëngri çorbën e gatuar vetë dhe se mediat që mbrojnë ende Veliajn teksa përpiqen t’ia faturojnë Nesti Angonin opozitës kur ai ndërkohë është në radhët e mazhorancës.
Reagimi i plotë i autorit të “Piranjave”:
Nuk pretendojme qe ky Longinoti te jete Lanseloti, kavalieri besnik i te drejtes, prandaj ia falim lugen e corbes qe hengri para pak ditesh.
Nuk pretendojme gjithashtu qe dy avokatet mediatike te Veliajt te heqin dore nga mbrojtja jargavitese e klientit te tyre duke ia faturuar Nesti Angonin opozites. Ata e bejne kete me vetedije, sepse po sulmuan Nestin e vertete, Nesti i madh ju a shkul ato pak qe iu kane mbetur mes kembeve. Per sa kohe halli i Kar-los dhe i Meros nuk eshte hall i Rames, Lali i tyre do te rrije aty ku eshte, pavaresisht perpelitjeve te vemjeve mediatike. Jam i bindur se ne heshtje, ketu jane dakord me mua edhe te gjithe socialistet qe me lexojne. Foto 1 Longinoti qe qahet se mediat ne Shqipëri nuk e lejojne te thote gjerat qe di, dhe se do te vazhdoje te luftoje per drejtesi.
