Vazhdon situata kaotike në urgjencën e QSUNT, pacientët me shërbim të cunguar

TIRANA- Dy javë më parë, në vigjilje të një fushate të ndezur zgjedhore, kryeministri Rama do të fliste me superlativa për standardet europiane të urgjencës në Shqipëri. Për të kuptuar sa të vërteta janë fjalët e kryeministrit, shkuam vetë në urgjencën e qëndrës spitalore universitare ‘Nënë Tereza’, më e madhja në vend e cila pret me qindra pacientë në ditë.Dhe situata është pak të quhet skandaloze.

Në dokumentuam rradhën dhe shtrimet e pacientëve nëpër koridore të cilët në kushte aspak normal. Dhe a ndryshoi sado pak situata pas këtij vëzhgimi disa ditor? për këtë vendosëm të rikthehemi sërish në repartin e urgjencës së QSUNT, dhe me të hyrë, vëmë re që në dhomën ku kryhej EKG ësht vendosur një perde e bardhë ndarëse, një lloj privatësie për pacientët teksa kryejnë këtë ekzaminim..

Ndërsa jemi në pritje të një mjeku për të na asistuar  prania e qytetarëve sa vjen e shtohet. Dhe me shtimin e tyre nisin edhe problematikat njëra pas tjetrës.

Ky zotëri në hyrje të ambientit, pengohet nga rojat, të cilët i kujtojnë se për të bërë një EKG është thuajse mission i pamundur. Ky pacient i moshuar me krizë veshkash, ka pritur per më shumë se 30 minuta në një karrige aspak komode, deri sa më në fund një infermiere u kujtua për të. Por nje rast I cuditshëm ndodh më pas. Pacienti që ecen në këmbe dhe karroca që shtyhet nga infermierja.

Kur afrohemi tek dhoma e skanerit, infermierja i kërkon pacientit që të ulet në karrike. Ndoshta stafit të urgjencës këto veprime i duken normale, por për këdo që i sheh, janë tërësisht të panevojshme, për të mos thënë tallje me pacientët.

Por kjo që do të shihni tani, nuk është vetëm tallje, por edhe diskriminim me personat që kërkojnë ndihmë në këtë repart të QSUT. Skena e pazakontë ka për protagoniste një vajzë të re e cila trajtohet me tallje dhe ironi nga infermieri i turnit. E gjitha në prani të dhjetra personave.

Është e kuptueshme ngarkesa dhe stresi i punës që ka personeli i urgjencës, por gjithashtu është tërësisht e papranueshme një sjellje e tillë tallëse ndaj personave që drejtohen aty për ndihmë. Edhe pse jemi të sigurtë që në këtë staf ka me dhjetra mjekë dhe infermierë të ndërgjegjshëm, të cilët i shërbejnë me përkushtim pacientëve.

Problematikat dhe kaosi vijojnë gjatë gjithë orëve të qëndrimit tonë atje. Njerëz që hyjnë e dalin pa marrë përgjigje, mungesa e një recëpsioni si në ccdo urgjencë të botës, dhe indiferenca e dukshme e një pjese të madhe të stafit. Por a duhet të ketë një reformim urgjent të Urgjencës së QSUT? Ndaj për këtë, I drejtohemi drejtoreshës së QSUNT, Znj. Alma Cani.

qsunt