50-vjeçari Thimjo Rubati, i plagosur pas një atentati mbrëmjen e së premtes në Sarandë, i transportuar mandej në spitalin...
INVESTIGIME
Polici bën "zap" fshatin në Bulqizë! Banorët: Na ka nxjerrë armën e shërbimit! Administrata e Bashkisë dhunon gazetarin dhe operatorin! Kryetarja: Do ua zgjidh unë
r.llPërditësimi i fundit 11 Prill 2025, 22:36
festime mjeshtri, ali dema
BULQIZË- Jemi në fshatin Homesh të Bashkisë së Bulqizës, aty ku një efektiv i Policisë së Shtetit, Ali Dema ia ka dalë të bëjë zap gjithë fshatin, duke u bllokuar rrugën dhjetëra vjeçare, duke i kërcënuar, madje sipas banorëve duke u nxjerrë dhe armën e shërbimit. Banorët shprehen se pavarësisht se kanë shkuar disa herë në Bashkinë e Bulqizës dhe në Komisariatin e Bulqizës nuk kanë marrë zgjidhje duke ngritur dyshimet se efektivi i policisë, mbrohet nga institucionet.
Sipas tyre, bllokimi i rrugës ka sjellë përplasje verbale të shumta, madje dhe konfortim fizik që më pas ka degjeneruar në nxjerrjen e armës nga efektivi Ali Dema. Madje ky i fundit nuk ka kursyer as vëllain e tij, të cilin pas konflikteve e ka çuar dhe në polici aty ku ka qëndruar për 12 orë, pavarësisht se në moshë të thyer. Ndërkohë nipit të Aliut, kolegët e efektivit i kanë marrë çiften që e kishte me leje duke qenë se është në konflikt, por ndaj efektivit të policisë nuk është marrë asnjë masë.
Ndërsa fshatarëve nuk u merret dëshmia kundër efektivit, ndaj këtij të fundit nuk është marrë asnjë masë. Ndërkohë Bashkia e Bulqizës, ka qëndruar e menjanuar nga kjo situatë e krijuar, duke nxitur përshkallëzimin e konfliktit. Ndësa shkuam të takojmë kryebashkiaken, Festime Mjeshtri, kjo e fundit kishte marrë masat që gjithë administrata e bashkisë të dilte në derën kryesore dhe të na pengonte për ti bërë asaj një pyetje të thjeshtë: Çfarë do të ndodhë me rrugën e bllokuar nga Aliu?!
Ndërsa u përballen me efektivët e Policisë Bashkiake dhe një pjesë të mirë të administratës së bashkisë, të paktën kishim mundësinë ta pyesnim zonjën Mjeshtri, e cila u zotua ta zgjidhë problemin. Shpresojmë që të mbajë fjalën, pasi kjo do të ishte në të mirë të komunitetit dhe do ti jepte fund përplasjeve të vazhdueshme në Homesh, përplasje që mund të agrovohen deri në përdorimin e armës, dhe askush nuk do ta dëshironte diçka të tillë.
