Dhe pikërisht menjëherë pas kësaj ndeshjeje drejtuesit e klubit nga Stambolli mbajtën një mbledhje të jashtëzakonshme ku...
AKTUALITET
Kapet sasia më e madhe e kokainës me vlerë dhjetëra milionë euro, dyshohet se u trafikua nga shqiptarët
PiranjatPërditësimi i fundit 2 November 2026, 18:18
Guardia Civil po heton origjinën e një ngarkese të madhe kokaine, e zbuluar gjatë kësaj fundjave në dy magazina në zonën industriale El Labradorcico, në qytetin Águilas të Spanjës. Sasia e drogës mund të përbëjë një nga sekuestrimet më të mëdha të regjistruara ndonjëherë në këtë vend. Zbulimi u bë krejt rastësisht.
Një aksident në vendin e punës, gjatë të cilit një paletë u përmbys brenda njërës prej magazinave, si dhe largimi i menjëhershëm i një punëtori pasi zbuloi përmbajtjen e ngarkesës, ngritën dyshimet e punonjësve të kompanive përreth. Këta të fundit njoftuan Policinë Lokale, e cila mbërriti në vendngjarje dhe zbuloi dhjetëra paleta të mbushura me drogë, e paketuar në formën e blloqeve.
Hetimet janë ende në fazën fillestare dhe deri më tani nuk ka asnjë person të arrestuar. Autoritetet po përpiqen të zbulojnë se kush e kishte depozituar drogën, si kishte mbërritur ajo në këtë zonë dhe ku ishte destinacioni përfundimtar i ngarkesës.
Zbulimi në zonën industriale
Sasia e madhe e drogës u zbulua të premten, më 30 tetor, pasi një paletë e ngarkuar me kokainë dyshohet se ra nga një pirun ngritës gjatë transferimit të saj brenda një prej magazinave. Përplasja shkaktoi dëmtimin e një pjese të ambalazheve, duke bërë që pakot me drogë të shpërndaheshin në të gjithë ambientin. Punonjësit që ndodheshin brenda ambienteve u larguan nga vendngjarja. Kur Policia Bashkiake mbërriti pas një njoftimi për një aksident të mundshëm në vendin e punës, magazina rezultoi e boshatisur.
Gjatë kontrollit, efektivët zbuluan se paletat e depozituara përmbanin pako me kokainë. Në këtë moment, çështja iu kalua Guardia Civil, e cila më vonë identifikoi edhe një magazinë të dytë në të njëjtën zonë industriale, ku u gjet një tjetër sasi droge.
Hetimet për një rrjet të dyshuar kriminal
Sipas hetimeve, ndërtesat nuk kishin asnjë tabelë kompanie apo shenjë identifikuese dhe dyshohet se përdoreshin si pika të përkohshme magazinimi, përpara se droga të transportohej drejt destinacionit të radhës. Dyshimet paraprake të hetuesve janë se ngarkesa mund t'i përkasë një organizate kriminale me origjinë shqiptare, megjithëse ky informacion ende nuk është konfirmuar zyrtarisht.
Deri të dielën, efektivët vijonin punën për nxjerrjen e drogës nga magazinat dhe peshimin e saj. Vetëm në magazinën e parë dyshohej se ndodheshin më shumë se 5 mijë kilogramë kokainë, ndërsa vlerësimi për sasinë totale u rrit ndjeshëm pas kontrollit të ambientit të dytë.
Nëse shifra paraprake prej 10 tonësh konfirmohet, kjo do të ishte një nga sekuestrimet më të mëdha të kokainës të regjistruara ndonjëherë në Spanjë. totale e drogës së sekuestruar, sipas mediave të ndryshme (meqenëse nuk ka konfirmim zyrtar), mund të kalojë njëqind milionë euro në tregun e zi. /PiranjatNews/
