Letra e publikuar sot nga kryebashkiaku i Tiranës, Erion Veliaj, lidhur me vizitën e ministrit të Drejtësisë, Toni Gogu në burgun ...
Kryeministri Edi Rama është përballur me pyetje të drejtpërdrejta për korrupsionin në radhët e zyrtarëve të ti...
Këshilli i Lartë Gjyqësor ka propozuar rritje të numrit të gjyqtarëve në vend për të ndihmuar në uljen e stoku...
Tre personat e arrestuar për shpërthimin tragjik në zonën e Plakës, në Athinë, janë lënë në burg të ...
Guardia Civil po heton origjinën e një ngarkese të madhe kokaine, e zbuluar gjatë kësaj fundjave në dy magazina në zonën...
Kryebashkiaku i Tiranës, Erion Veliaj, ka reaguar pas debatit të krijuar mbi takimin e tij me ministrin e Drejtësisë, Toni Gogu, në bu...
16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
Presidenti amerikan Donald Trump ka deklaruar se do të mbrojë miliarderin Elon Musk në rast se demokratët nisin hetime ndaj tij pas zgjedhje...
Autoritetet franceze pezulluan sot importin dhe shitjen e prezervativëve ultra të hollë prej lateksi për meshkuj të prodhuar nga kompan...
Një moment i sikletshëm për ministren e Administratës Publike, Adea Pirdeni u shënua këtë të hënë gjatë p...
Tre personat e arrestuar për shpërthimin tragjik në zonën e Plakës, në Athinë, janë lënë në burg të hënën, me vendim të përbashkët të hetuesit dhe prokurorit. Bëhet fjalë për dy shtetas grekë, 37 dhe 55 vjeç, si dhe një 34-vjeçar shqiptar.
Tre të dyshuarit ishin arrestuar me urdhër të autoriteteve gjyqësore, pasi ndaj tyre rëndojnë tri akuza për vepra penale të rënda dhe një akuzë për kundërvajtje penale.
Sipas informacioneve, të akuzuarit kanë pranuar se kanë qenë në ndërtesën që u shemb, por mohojnë të kenë lidhje me shpërthimin.
Gjatë shoqërimit të tyre drejt zyrës së hetuesisë, njëri prej të dyshuarve, 55-vjeçari me nofkën “Bubu”, iu përgjigj pyetjeve të gazetarëve duke thënë: “Jam i shkatërruar shpirtërisht, nuk kam faj për shpërthimin”. Një tjetër i akuzuar kërkoi falje, ndërsa i treti nuk pranoi të prononcohej.
Pranuan vjedhjen e tubave të bakrit, por mohojnë përgjegjësinë për shpërthimin
Sipas hetimeve, të tre të akuzuarit kanë pranuar se disa orë përpara tragjedisë kishin shkuar në zonën e Plakës dhe kishin hyrë me forcë në ndërtesën neoklasike, me qëllim vjedhjen e tubave prej bakri të instalimit të gazit natyror.
Megjithatë, përpara hetuesit ata dyshohet se janë përpjekur të shkëpusin vjedhjen nga pasojat tragjike që ajo solli, duke pretenduar se nuk mund ta parashikonin një përfundim kaq katastrofik.
Për tre të dyshuarit janë ngritur këto akuza:
Shkaktim i qëllimshëm i një zjarri, nga i cili u rrezikua jeta e njerëzve dhe që solli vdekjen e personave të tjerë, në bashkëpunim.
Shkaktim i një shpërthimi që rrezikoi jetën e njerëzve dhe solli vdekjen e personave të tjerë, me dashje dhe në bashkëpunim.
Vrasje të shumëfishta me dashje eventuale, në bashkëpunim.
Shkaktim i dëmtimeve të rënda trupore ndaj disa personave, në bashkëpunim.
Të tre janë marrë në pyetje me avokatë mbrojtës të caktuar nga hetuesi.
Shpërthimi u mori jetën katër turistëve shqiptaro-amerikanë dhe çiftit grek
Nga shpërthimi, që dyshohet se u shkaktua nga një shkëndijë e ndërprerësit elektrik dhe çoi në shembjen e ndërtesës, humbën jetën katër turistë të rinj amerikanë tre prej të cilëve me origjinë shqiptare, të ndarë në dy çifte. Mes viktimave ishte edhe një grua shtatzënë.
Gjithashtu, nën rrënoja humbën jetën një grua greke dhe bashkëshorti i saj britanik, të cilët banonin në një apartament të ndërtesës neoklasike.
Familjarët e viktimave amerikane janë deklaruar palë në procesin penal, në mbështetje të akuzës.
Familjet amerikane: Hetimi të mos kufizohet vetëm te tre të arrestuarit
Familjet e viktimave amerikane Hoxha, Cani, Kirkpatrick dhe Nelson, përmes avokatit të tyre, Georgios A. Karapanos, e kanë cilësuar vendimin për lënien në burg të tre të dyshuarve si një “zhvillim të rëndësishëm në rrugën drejt drejtësisë”.
Megjithatë, ato kërkojnë që hetimet të zgjerohen dhe të mos përqendrohen vetëm te veprimet e tre personave të arrestuar. Sipas tyre, duhet të shqyrtohen në mënyrë të plotë edhe rrethanat që lejuan që rrjedhja e gazit natyror të përfundonte në një shpërthim katastrofik.
Në deklaratën e tyre të përbashkët, familjarët shprehen:
“Familjet tona mbeten të tronditura dhe të shkatërruara nga humbja tragjike e fëmijëve tanë të dashur, Ian, Florida, Florin dhe Eris, si dhe e vogëlushes së palindur Bora.
Jetët tona ndryshuan përgjithmonë atë ditë. Humbëm njerëzit tanë të dashur, ëndrrat e tyre dhe të ardhmen që do të ndanim së bashku. Është një humbje që nuk mund të përshkruhet me fjalë dhe një dhimbje që do të na shoqërojë gjatë gjithë jetës.
Vendimi i sotëm për lënien në burg të tre të akuzuarve përbën një zhvillim të rëndësishëm në rrugën drejt drejtësisë. Për familjet tona, megjithatë, kërkimi i drejtësisë nuk përfundon këtu. Presim zbardhjen e plotë të çështjes, zbulimin e të gjitha rrethanave dhe vënien përpara përgjegjësisë të kujtdo që ka kontribuar në tragjedinë që u mori jetën njerëzve tanë të dashur.
Hetimi nuk mund dhe nuk duhet të kufizohet vetëm te veprimet e tre të akuzuarve. Konsiderojmë po aq të rëndësishme që të shqyrtohen në thellësi të gjitha rrethanat që lejuan që një rrjedhje gazi natyror të shndërrohej në një shpërthim kaq shkatërrues.
Kërkojmë të hetohen instalimet dhe infrastruktura e gazit natyror, mjaftueshmëria e masave të parashikuara të sigurisë, kontrollet, mirëmbajtja dhe mbikëqyrja e zbatimit të rregullave përkatëse. Duam të dimë jo vetëm se si ndodhi rrjedhja e gazit, por edhe përse nuk u parandalua tragjedia.
Nëse ka pasur neglizhencë, mangësi apo shkelje të rregullave të sigurisë, kërkojmë që ato të zbulohen dhe të hetohet përgjegjësia e të gjithë personave që mund të kenë kontribuar në këtë përfundim tragjik.
Shprehim mirënjohjen tonë të thellë për Drejtorinë e Hetimit të Krimeve të Zjarrit dhe punonjësit e saj për kontributin vendimtar, për ekipet e shpëtimit që punuan pa u lodhur për kërkimin e të mbijetuarve, për Shërbimin Zjarrfikës për reagimin e menjëhershëm, si dhe për autoritetet hetimore dhe gjyqësore për përpjekjet e deritanishme për zbardhjen e plotë të të gjitha aspekteve të kësaj tragjedie.
Falënderojmë gjithashtu Ambasadën e Shteteve të Bashkuara dhe të gjithë ata që na qëndruan pranë, duke na ofruar ndihmë dhe mbështetje të çmuar në këto momente jashtëzakonisht të vështira.
E dimë se asnjë vendim gjykate dhe asnjë dënim nuk mund të na kthejë njerëzit që humbëm. Por ajo që mund të bëjmë në kujtim të tyre është të vazhdojmë të kërkojmë të vërtetën dhe drejtësinë, derisa të marrim përgjigje për të gjitha pyetjet.
Nuk duam që tragjedia e fëmijëve tanë të mbetet thjesht një tjetër lajm i dhimbshëm që me kalimin e kohës do të harrohet. Duam që humbja e tyre të shërbejë si shkak për ndryshime thelbësore, në mënyrë që asnjë familje tjetër të mos përjetojë kurrë një dhimbje të tillë.
Për Ianin, Floridën, Florinin, Erisin dhe vogëlushen Bora, do të vazhdojmë të luftojmë për të vërtetën dhe drejtësinë”. /PiranjatNews/
Siç ishte raportuar më parë, një incident ka ndodhur gjatë një interviste të kryeministrit Edi Rama me gazetarin Andrew Cal...
Guardia Civil po heton origjinën e një ngarkese të madhe kokaine, e zbuluar gjatë kësaj fundjave në dy magazina në zonën...
Gjashtë qytetarë janë shoqëruar me forcë nga policia gjatë protestës së zhvilluar këtë të hënë ...
Një biznes në katin e 11-të të një pallati në qendër të Shkodrës është përfshirë nga flakë...
16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
Përplasje mes protestuesve dhe policisë janë shënuar pasditen e sotme gjatë protestës së studentëve para Kryeministris&e...
Një 36-vjeçar nga Shkodra, i shpallur në kërkim ndërkombëtar për tentativë vrasjeje dhe armëmbajtje pa leje, &eum...
Shaban Brika, protestuesi që prej ditësh tërheq vëmendjen me flamurin kuqezi në protestën para Kryeministrisë, ka denoncuar k...
Studentët janë rikthyer përpara godinës së Kryeministrisë, duke vijuar kundërshtimin ndaj qeverisë së drejtuar nga ...
Protesta e studentëve është zhvendosur pasditen e kësaj të hëne përpara godinës së Kryeministrisë, ku të ...
