Ish-drejtuesi i Autoritetit Rrugor Shqiptar (ARRSH), Gentian Gjyli, dhe ish-drejtori i Korporatës Elektroenergjetike Shqiptare (KESH), Erald Elezi, jan&eum...
AKTUALITET
Kërcet çmimi i naftës, Bordi miraton vlerat e reja: Hyn në fuqi në orën 15:00
PiranjatPërditësimi i fundit 30 October 2026, 14:56
Vetëm një ditë pasi Bordi i Transparencës vendosi uljen me 1 lek të çmimit të naftës, sot është miratuar një rritje e fortë prej 6 lekësh për litër, duke e çuar çmimin maksimal të shitjes me pakicë në 218 lekë.
Vendimi i ri është marrë këtë të premte, më 30 tetor, duke përmbysur menjëherë uljen e vogël të miratuar një ditë më parë.
Sipas njoftimit të Ministrisë së Financave, nafta do të tregtohet me pakicë me një çmim maksimal prej 218 lekësh për litër, nga 212 lekë që ishte vendosur më 29 tetor.
Ndërkohë, çmimi maksimal i shitjes me shumicë të naftës rritet nga 200 në 206 lekë për litër.
Ndryshe nga nafta, benzina ka pësuar një ulje prej 2 lekësh, duke zbritur nga 181 në 179 lekë për litër në shitjen me pakicë.
Për shitjen me shumicë, çmimi maksimal i benzinës është përcaktuar në 167 lekë për litër, nga 169 lekë që ishte një ditë më parë.
Vendimi i Bordit të Transparencës hyn në fuqi sot, më 30 tetor, në orën 15:00 dhe do të zbatohet deri në mbledhjen e ardhshme, kur do të shqyrtohen sërish çmimet e karburanteve.
Ish-drejtuesi i Autoritetit Rrugor Shqiptar (ARRSH), Gentian Gjyli, dhe ish-drejtori i Korporatës Elektroenergjetike Shqiptare (KESH), Erald Elezi, jan&eum...
