Ish-drejtuesi i Autoritetit Rrugor Shqiptar (ARRSH), Gentian Gjyli, dhe ish-drejtori i Korporatës Elektroenergjetike Shqiptare (KESH), Erald Elezi, jan&eum...
Presidenti i Greqisë, Konstantinos Tasoulas, ka rikthyer termin e debatueshëm “Epiri i Veriut” gjatë një ceremonie përkujt...
AKTUALITET
Kapen 10 thasë me kanabis në pyllin e Komanit, arrestohen 4 persona
PiranjatPërditësimi i fundit 30 October 2026, 14:22
Mbi 56.7 kilogramë kanabis janë zbuluar në një zonë të pyllëzuar në fshatin Koman, ndërsa në pranga kanë rënë katër persona. Ndërkohë, një tjetër person është proceduar në gjendje të lirë.
Personat e përfshirë dyshohet se transportonin lëndën narkotike me automjete dhe varka, për ta fshehur në pyll dhe më pas për ta përgatitur për shitje.
“Gjatë ndërhyrjes në këtë zonë, shërbimet e Policisë kryen kontroll në një ambient të përshtatur për kamping, në pronësi të shtetasit P. F., dhe në automjetet në përdorim të shtetasve K. K. dhe M. P., ku gjetën 10 thasë me lëndë të dyshuar narkotike Cannabis Sativa, me peshë mbi 56.7 kilogramë, të cilët u sekuestruan në cilësinë e provës materiale”, thuhet në njoftimin e policisë.
Gjatë kontrollit në zonë, policia gjeti 10 thasë me kanabis, me peshë totale mbi 56.7 kilogramë. Lënda narkotike u zbulua në një ambient të përshtatur për kamping, në pronësi të njërit prej të arrestuarve, si dhe në automjetet që përdoreshin nga dy prej personave të dyshuar.
Në pranga u vunë katër shtetas, të moshave 33, 39, 45 dhe 67 vjeç, banues në Shkodër, Vau të Dejës dhe Tiranë. Ndërkohë, në gjendje të lirë u procedua edhe vëllai 38-vjeçar i njërit prej të arrestuarve.
“P. F., 45 vjeç, banues në fshatin Gomsiqe, Vau i Dejës, M. P., 39 vjeç, banues në fshatin Dush, Vau i Dejës, K. K., 33 vjeç, banues në Shkodër dhe D. N., 67 vjeç, banues në Tiranë. Gjithashtu, u procedua në gjendje të lirë shtetasi A. F., 38 vjeç, banues në fshatin Gomsiqe, Vau i Dejës, vëllai i 45-vjeçarit”, njofton policia.
Hetimet vijojnë për të zbardhur plotësisht veprimtarinë dhe për të identifikuar persona të tjerë që mund të kenë qenë të përfshirë në këtë aktivitet kriminal.
Materialet i janë referuar Prokurorisë së Shkodrës për veprime të mëtejshme.
Ish-drejtuesi i Autoritetit Rrugor Shqiptar (ARRSH), Gentian Gjyli, dhe ish-drejtori i Korporatës Elektroenergjetike Shqiptare (KESH), Erald Elezi, jan&eum...
