Kishin bashkë dy fëmijë, ndahet nga jeta ish-partnerja e Robert De Niros

Modelja dhe aktorja amerikane Tookie Smith, ish-partnerja e aktorit të famshëm Robert De Niro dhe nëna e dy fëmijëve të tij binjakë, është ndarë nga jeta në moshën 74-vjeçare. Ajo ndërroi jetë më 4 nëntor, në një spital në New York, pas një beteje të gjatë me sklerozën multiple. Lajmi u bë i ditur nga fëmijët e saj, Irene dhe Julian De Niro, të cilët përmes një deklarate shprehën dhimbjen për humbjen e nënës.

Irene i kushtoi gjithashtu një dedikim prekës në rrjetet sociale, duke publikuar një fotografi nga fëmijëria përkrah së ëmës, krahas së cilës shkroi: “Do të të dua gjithmonë, mami”.

Tookie Smith ishte e njohur për publikun jo vetëm për karrierën në modeling dhe aktrim, por edhe për marrëdhënien e saj me Robert De Niron. Çifti nisi lidhjen në vitin 1988 dhe, ndonëse u nda në vitin 1994, ata u bënë prindër të binjakëve në tetor të vitit 1995, përmes një nëne surrogate.

Smith ndërtoi një karrierë të suksesshme në industrinë e modës, duke nisur punën si modele në vitin 1972. Ajo bashkëpunoi me revista prestigjioze si Vogue dhe Ebony, si dhe me emra të njohur të modës, përfshirë Thierry Mugler dhe Issey Miyake. Në vitin 1978 u shpall Modelja e Vitit nga Bloomingdale’s.

Toukie Smith, a model and 227 star who also shared two kids with ex Robert De Niro, died Nov. 4, her and De Niro’s children confirmed in a statement. She was 74. https://t.co/z8YmF2Km94 https://t.co/aU4vBO6Uzr

— E! News (@enews) November 10, 2026

Në televizion, ajo u bë e njohur veçanërisht për rolin e Evës në serialin komik 227, ndërsa u shfaq edhe në Miami Vice dhe në disa produksione kinematografike, mes tyre The Preacher’s Wife.

Pavarësisht famës dhe lidhjes me një prej aktorëve më të njohur të Hollywood-it, Smith kishte zgjedhur gjithmonë të ruante larg vëmendjes publike jetën e saj private.

Largimi i saj nga jeta ka prekur veçanërisht familjen, ndërsa kujtimi i saj mbetet i lidhur me një karrierë të gjatë në modë dhe televizion.