Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Rasti me malaria në Shqipëri/ I prekuri nga Afrika, po trajtohet në Spitalin Infektiv “Java e Djallit” e internetit! Sulmet kibernetike, inteligjenca artificiale dhe “armiku i padukshëm” Hidhet shorti në GJKKO/ Kush është gjyqtarja që ka në duar “fatin” e Belinda Ballukut Përshkallëzohet konflikti në Gjirin Persik/ Kuvajti sulmohet me dronë, SHBA godet objektiva në Iran! Alarm ... Rrëmbimi dhe vrasja e Eglant Koçit, Apeli liron nga burgu Enea Zyferin Irani mohon planin për sulm në Uashington: SHBA po kërkon pretekst për operacione të reja ushtarake Alarm për ndotjen në Elbasan e Krujë, lejet mjedisore ende me standarde të vitit 2005 Konfirmohet rasti i parë me malarie në Shqipëri, pacienti është shtetas i huaj, dyshohet edhe një rast tjet... Si u shemb ura simbol e Putinit në Krime? Operacioni sekret ukrainas me 7 faza, qindra dronë dhe raketa, go... Qytetarët sërish në shesh! Sot protestë kombëtare kundër Ramës dhe qeverisë, mblidhen në orën 14:00 para Mi... SHBA në kaos nga problemet me sistemet teknologjike, Rubio: Nuk është sulm i koordinuar kibernetik Beteja brenda së djathtës amerikane për ta shkëputur Trumpin nga gjigantët e teknologjisë
AKTUALITET

Ligji i ri do të shkaktojë “tërmet” në tregun e sigurimeve, të paktën 3 kompani rrezikojnë të dalin nga loja

P
Piranjat18 November 2026, 09:56 · 3 min lexim
Ligji i ri do të shkaktojë “tërmet” në tregun e

Tregu shqiptar i sigurimeve pritet t’i nënshtrohet një reforme të thellë, e cila mund të ndryshojë strukturën e tij dhe të vërë në vështirësi kompanitë që nuk disponojnë kapital të mjaftueshëm për të përmbushur standardet e reja financiare.

Projektligji “Për veprimtarinë e sigurimit dhe risigurimit”, i hartuar nga Autoriteti i Mbikëqyrjes Financiare me asistencën e Bankës Botërore, vendos kërkesa më të rrepta për aftësinë paguese të kompanive, duke përafruar tregun shqiptar me regjimin evropian Solvency II.

Drafti parashikon që shoqëritë të marrin masa për forcimin e kapitalit ose uljen e rreziqeve që marrin përsipër, ndërsa për kompanitë që plotësojnë kushtet e përcaktuara parashikohen edhe afate kalimtare.

Për mospërmbushjen e kërkesës për kapitalin e aftësisë paguese, dispozitat kalimtare parashikojnë mundësinë e përshtatjes deri në fund të vitit të dytë pas vitit të zbatimit të ligjit, me kusht që kompania të raportojë progresin e saj.

Ndërkohë, mosplotësimi i kërkesës për kapitalin minimal, edhe pas afatit kalimtar përkatës, mund të sjellë revokimin e licencës nga Autoriteti i Mbikëqyrjes Financiare.

Një tjetër ndryshim i rëndësishëm lidhet me mënyrën e përdorimit të fitimeve nga kompanitë.

Neni 178 i projektligjit ndalon shpërndarjen e dividendëve për aksionarët në rastet kur kapitali i shoqërisë është nën nivelin e kërkuar, ose kur shpërndarja e fitimit do ta ulte atë nën këtë nivel.

Ndalimi përfshin edhe paradhëniet e fitimit, si dhe pagesat që lidhen me pjesëmarrjen në fitim për drejtuesit, anëtarët e këshillit mbikëqyrës dhe punonjësit.

Në praktikë, kjo do të thotë se aksionarët nuk do të mund të tërheqin fitimet e një kompanie sigurimi duke dobësuar kapitalin e nevojshëm për mbulimin e detyrimeve ndaj klientëve.

Ndryshimet mund të detyrojnë një pjesë të kompanive të injektojnë kapital shtesë, të kufizojnë aktivitetin ose të rishikojnë modelin e tyre të biznesit.

Për kompanitë që nuk arrijnë të përshtaten, pasojat mund të shkojnë deri te humbja e licencës dhe largimi nga tregu, sipas procedurave të përcaktuara në ligj.

Reforma mund të ndikojë kështu jo vetëm në gjendjen financiare të shoqërive, por edhe në strukturën e konkurrencës në tregun shqiptar të sigurimeve, ku aktualisht operojnë 13 kompani.

Projektligji është ende në procesin e konsultimit, ndërsa data konkrete e fillimit të zbatimit të kërkesave të reja mbetet për t’u përcaktuar. /skyweb.al

SHPËRNDAJE

Lexo edhe

AKTUALITET

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.