Një sulm kibernetik ka shkaktuar një incident të pazakontë në disa supermarkete në Suedi, ku temperaturat në frigoriferë...
AKTUALITET
Mesazhe mashtruese në emër të bankave, denoncimi i qytetarit: “Përditëso të dhënat, ose të mbyllim llogarinë”
Nga Xhuljan FerzajPërditësimi i fundit 2 November 2026, 11:18
Një qytetar i është drejtuar redaksisë së Piranjat News për të denoncuar dy raste të qarta të mashtrimit online (phishing), ku hakera po përpiqen të vjedhin të dhënat e llogarive bankare duke u maskuar si banka të njohura.
Sipas denoncimit, qytetari ka marrë dy mesazhe nga numra të ndryshëm, ku pretendohet se është i nevojshëm përditësimi i të dhënave të profilit bankar. Në të kundërt, kërcënohet se llogaritë do të mbyllen brenda 24 ose 29 orësh.
Mesazhi i parë vjen nga numri 0** 885 2734 dhe pretendon të jetë nga Raiffeisen:
“RAIFFEISEN: Klient i nderuar, afati juaj skadon pas 29 oresh per verifikimin e identitetit. Ju lutemi hapni lidhjen: https://bankieral2.com”
Mesazhi i dytë vjen nga një numër francez +33 7 44 01 02 48 dhe pretendon të jetë nga OTP Bank Albania:
“OTPBank Albania | Shërbimi i Klientit
I nderuar klient,
të dhënat e profilit tuaj bankar kërkojnë përditësim periodik.
Për të shmangur kufizimin e shërbimeve online, përfundoni verifikimin:
otp-llogari.com
ID: 16935
Afati: 24 orë”
Të dy numrat janë bllokuar dhe raportuar si të padëshiruar nga qytetari.
Këto nuk janë mesazhe zyrtare nga bankat.
Bankat nuk dërgojnë kurrë lidhje të tilla përmes SMS-ve me kërcënime për mbyllje llogarie. Linqet e dërguara (bankieral2.com dhe otp-llogari.com) janë faqe mashtruese të krijuara nga hakera për të vjedhur kredencialet e llogarive bankare.
Qytetari u bën thirrje të gjithë qytetarëve që të tregojnë kujdes maksimal nëse marrin mesazhe të ngjashme.
Mos klikoni asnjë lidhje, mos jepni të dhëna personale apo bankare dhe denonconi menjëherë rastet pranë Policisë së Shtetit ose autoriteteve kompetente.
Piranjat News i bën thirrje qytetarëve që të raportojnë çdo mesazh të dyshimtë që pretendon të jetë nga banka, në mënyrë që të mbrohen sa më shumë qytetarë nga këto skema mashtrimi./ Piranjat News
