Gazetarët e Piranjat News kanë zbuluar se si funksionon tregu i paligjshëm i pasaportave bullgare që u ofrohen qytetarëve shqiptar&eum...
BOTA
Partia e Vuçiç në opozitë pas 14 vitesh në pushtet/ Çfarë pret Washingtoni dhe Brukseli nga lidershipi i ri
PiranjatPërditësimi i fundit 27 October 2026, 19:20
Departamenti amerikan i Shtetit e përshëndeti pjesëmarrjen e lartë të qytetarëve serbë në zgjedhjet parlamentare të së dielës, që rezultoi me dërgimin e partisë së Aleksandar Vuçiç në opozitë pas 14 vitesh në pushtet.
DASH shprehu gatishmërinë e plotë për të vijuar partneritetin me udhëheqjen e re të Serbisë.
“Presim vazhdimin dhe thellimin e mëtejshëm të partneritetit tonë me anëtarët e sapozgjedhur të Kuvendit Popullor të Serbisë dhe me qytetarët e Serbisë, duke u mbështetur në vrullin e krijuar gjatë vitit të kaluar, përfshirë nisjen e Dialogut Strategjik”, thuhet në deklaratën e zëdhënësit të Departamentit të Shtetit për REL.
Rezultati zgjedhor shënon një zhvillim të rëndësishëm në skenën politike serbe dhe hap një kapitull të ri në marrëdhëniet e vendit me partnerët ndërkombëtarë. Shtetet e Bashkuara dhe Serbia e nisën Dialogun Strategjik në mesin e korrikut, me synimin për të zgjeruar bashkëpunimin dypalësh. Në kuadër të këtij dialogu, të dy vendet nënshkruan një memorandum mirëkuptimi për infrastrukturën energjetike dhe sigurinë rajonale të energjisë.
Deklarata e fundit e Uashingtonit sinjalizon gatishmërinë e administratës amerikane për të ruajtur dhe zhvilluar më tej marrëdhëniet me Serbinë, duke e vendosur theksin te bashkëpunimi institucional dhe vazhdimësia e Dialogut Strategjik.
Qeveria gjermane e vlerësoi suksesin e Listës Studentore në zgjedhjet në Serbi dhe shpreh gatishmërinë për të vazhduar mbështetjen e rrugës evropiane të vendit.
Edhe Komisionerja e BE-së për Zgjerimin, Marta Kos, rikonfirmoi angazhimin për anëtarësimin e Serbisë në Bashkimin Europian, edhe pse ky vend nuk është një partner i lehtë për bllokun europian.
Ekspertët vlerësojnë se edhe qeveria e ardhshme do të përballet me sfida të konsiderueshme në marrëdhëniet me Brukselin, teksa një pjesë e konsiderueshme e elektoratit serb vazhdon të shfaqë skepticizëm ndaj BE-së.
