Real Madridi kërkoi falje të mërkurën pasi sulmuesi i tyre francez, Kylian Mbappe, shkaktoi reagime të ashpra për komentet e tij d...
BOTA
VIDEO/ Rusia lufton me dronë, Ukraina zhvendos luftën nën tokë! Operacioni sekret “Veles”
PiranjatPërditësimi i fundit 27 October 2026, 18:32
Lufta në Ukrainë po merr një dimension të ri. Ndërsa dronët kanë kthyer qiellin dhe sipërfaqen e tokës në zona të rrezikshme për lëvizjen e trupave, ushtria ukrainase ka zgjedhur një rrugë tjetër për të goditur forcat ruse: nëntokën. Përmes një operacioni të pazakontë ushtarak, ushtarët ukrainas kanë përshkuar më shumë se 15 kilometra nëpër tubacione nëntokësore, duke depërtuar pas pozicioneve ruse në sektorin e Kupianskut.
Operacioni, i koduar me emrin “Veles”, është zhvilluar nga Korpusi i Dytë i Gardës Kombëtare të Ukrainës, i njohur si “Khartiia”, në bashkëpunim me njësi të tjera ushtarake. Sipas të dhënave të publikuara nga pala ukrainase, gjatë operacionit janë vrarë mbi 100 ushtarë rusë, ndërsa më shumë se 30 të tjerë janë marrë robër.
⚡️ Ukrainian forces advanced 15 kilometers underground in the Kupiansk sector and have already eliminated more than 100 Russian troops! Ukrainian soldiers turned the Russians' own underground tactics against them, making the approach far more sophisticated and technologically advanced. The preliminary results of Operation Veles: • More than 15 kilometers of underground advance; • More than 100 Russian troops eliminated; • More than 30 taken prisoner. The figures were shared by Ukrainian President Volodymyr Zelenskyy on his Telegram channel. Bravo! What else is there to say?
Ajo që e bën këtë operacion veçanërisht interesant është fakti se ukrainasit kanë përdorur kundër Rusisë pikërisht një taktikë që ushtria ruse e kishte shfrytëzuar më parë. Për muaj të tërë, forcat e Moskës kishin përdorur rrjetin e vjetër të gazsjellësve për të depërtuar në prapavijën ukrainase, duke shmangur mbikëqyrjen nga dronët dhe goditjet e artilerisë.
Por këtë herë, ukrainasit vendosën të ndryshonin rolet.
“Ne vëzhguam mënyrën se si vepronte armiku nën tokë dhe studiuam metodat e tij. Rusët synonin të përdornin gazsjellësit për të depërtuar në prapavijën e forcave tona. Prandaj vendosëm të futeshim vetë nën tokë. Ne parashikuam veprimet e armikut dhe përvetësuam taktikat e zhvillimit të operacioneve luftarake nëntokësore”, deklaroi gjenerali Ihor Obolienskyi, komandant i Korpusit “Khartiia”.
Për realizimin e operacionit, ushtria ukrainase përgatiti njësi të specializuara për të luftuar në hapësira jashtëzakonisht të ngushta, ku mungojnë drita natyrore, sinjali GPS dhe komunikimet e zakonshme radiofonike.
Ushtarët përdorën sisteme të posaçme navigimi, komunikimi dhe mbështetjeje teknike, ndërsa lëvizja nëntokësore u koordinua me sulme nga sipërfaqja dhe goditje me dronë. Në këtë mënyrë, forcat ruse u përballën me sulme nga dy drejtime të ndryshme.
Sipas gazetës amerikane The Wall Street Journal, luftimet janë zhvilluar edhe brenda tubacioneve me diametër rreth 1.2 metra, ku ushtarët detyroheshin të lëviznin pothuajse njëri pas tjetrit. Kushtet përshkruhen si tepër të vështira, me mungesë hapësire, gazra dhe përleshje në distanca shumë të afërta./PiranjatNews/
