Nga Albana Deda
Mirëmbrëma! Unë jam Albana Deda dhe jam pedagoge në Universitetin e Tiranës prej gati 30 vitesh.Gjatë këtyre...
POLITIKE
Bardhi: Dhunë nuk është vetëm gazi lotsjellës, por edhe 1,1 mld euro tendera të Ballukut! Qytetarët mbetën rrugëve
PiranjatPërditësimi i fundit 21 Shkurt 2026, 21:23
Kreu i grupit parlamentar të PD-së, Gazment Bardhi, ka denoncuar skandalin më të fundit të qeverisë me rrugët.
Prej orësh qytetarët në juglindje të vendit, drejtues dhe udhëtarë, po përjetojnë momente ankthi dhe revolte me skandalin më të fundit të shembjes së rrugëve të ndërtuara nën drejtimin e zv/kryeministres Belinda Balluku, pasi jo vetëm po shemben njëra pas tjetrës, por tani po izolojnë shqiptarët.
Ai shprehet mes të tjerash se dhuna nuk bëhet nga Policia vetëm me gaz lotsjellës, por edhe me bllokimin e rrugëve pas shembjes dhe izolimin e qytetarëve shqiptarë, pasi e gjithë juglindja është bllokuar.
Duke marrë shkas nga situata më e fundit, ai shprehet mes të tjerash në Facebook, se:
“Dhuna është kur 1.1 miliardë euro tendera për rrugë janë sot nën hetim për abuzime, me emrin e Belinda Ballukut, ndërsa rrugët çahen si në kohë lufte. Korrupsioni po bllokon lëvizjen e lirë të qytetarëve. Dhuna është kur kryeministri u ofron imunitet politik të kërkuarve nga drejtësia, krijon imunitet për vete, ndërsa qytetarët mbeten në rrugë të vjedhura e të pasigurta. Prej orësh tashmë, juglindja e vendit është në kaos dhe tërësisht e bllokuar. Prej orësh, të moshuar e fëmijë janë të bllokuar në të ftohtë, në pamundësi për të shkuar në shtëpitë e tyre. Shteti ka ngritur duart dhe i ka braktisur”.
Reagimi i plotë i Gazment Bardhit:
“Dhuna nuk është vetëm gazi në protestë, nuk është vetëm gazi në xhami. Nuk është vetëm gazi në selinë e opozitës.
Dhuna është kur 1.1 miliardë euro tendera për rrugë janë sot nën hetim për abuzime, me emrin e Belinda Ballukut, ndërsa rrugët çahen si në kohë lufte. Korrupsioni po bllokon lëvizjen e lirë të qytetarëve.
Dhuna është kur kryeministri u ofron imunitet politik të kërkuarve nga drejtësia, krijon imunitet për vete, ndërsa qytetarët mbeten në rrugë të vjedhura e të pasigurta.
Prej orësh tashmë, juglindja e vendit është në kaos dhe tërësisht e bllokuar. Prej orësh, të moshuar e fëmijë janë të bllokuar në të ftohtë, në pamundësi për të shkuar në shtëpitë e tyre. Shteti ka ngritur duart dhe i ka braktisur.
Shqiptarët paguajnë miliona euro në muaj për mirëmbajtjen e akseve rrugore. Paguajnë taksa për sigurinë në rrugë. Por Edi Rama dhe Belinda Balluku, siç provojnë edhe hetimet e SPAK, paracaktojnë kompanitë e mirëmbajtjes së akseve rrugore, të cilat, në vend të punës, zgjedhin tarifën e korrupsionit dhe nuk bëjnë asgjë.
Kjo neglizhencë kriminale e shtetit ka kosto për qytetarët, deri në situata të dhimbshme si kjo më poshtë.
Vetëm reagimi qytetar dhe protesta e fortë do t’i japin fund vjedhjes dhe keqqeverisjes. Tregojeni me pjesëmarrje dhe me zë të lirë se durimi juaj ka mbaruar.
Asgjë nuk ndryshon me heshtje. As me pritje! Ne mund të ndryshojmë gjithçka vetëm duke reaguar!”
