Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
POLITIKE
Berisha akuza Ramës: Po i shërben Vuçiçit dhe projektit të Serbisë së Madhe
PiranjatPërditësimi i fundit 13 Prill 2026, 15:08
Kreu i Partisë Demokratike, Sali Berisha, ka akuzuar Edi Ramën se po mbështet presidentin serb Aleksandër Vuçiç, të cilin e cilësoi si të akuzuar për gjenocid në Bosnjë dhe për “safarin” në Sarajevë.
Berisha deklaroi se Rama i ka bërë shërbime të çmuara Vuçiçit që prej ardhjes në pushtet, duke e paraqitur në arenën ndërkombëtare si udhëheqës konstruktiv, ndërkohë që udhëheqjen e Kosovës e ka etiketuar si bllokuese.
Sipas tij, kjo ka qenë një strategji për ta kthyer Vuçiçin nga “delja e zezë e Ballkanit” në një figurë të pranueshme, me synimin e vetëm për realizimin e projektit të “Serbisë së Madhe”.
Berisha: Edi Rama i del në krah Vuçiçit, i cili është i akuzuar për gjenocid në Bosnjë, për safarin në Sarajevë, i cili është një ultranacionalist i verbër. Armik i egër i Kosovës, por së bashku me Ramën. Dhe të cilit Edi Rama, sapo erdhi në pushtet, i ka bërë shërbimet më të çmuara me qëndrimet e tij antishqiptare, me Ballkanin e Hapur.
E paraqiti në botë si udhëheqës konstruktiv dhe udhëheqjen politike të Kosovës si bllokuese. Nga delja e zezë në Ballkan e ktheu në një “good guy” me të cilin merresh vesh dhe që ka vetëm një qëllim, Serbinë e Madhe.
Jeni dëshmitarë që pas luftës në Ukrainë bëri lobim nga samiti në samit që të mos u kërkojë Vuçiçit të mos respektojë sanksionet ruse, në një kohë që vetë i vendosi sanksionet Kosovës. Tani që komuniteti ndërkombëtar filloi të realizojë se Vuçiç, midis Serbisë evropiane dhe Serbisë ruse, e vogël në Ballkan, zgjedh këtë të fundit, filluan me radhë t’i përqendrojnë qëndrimet ndaj tij.
Ky del dhe çiftëzohet me të, bëhet orator në një kërkesë fund e krye antikombëtare për ne dhe në kundërshtim të ëndrrës shqiptare për BE dhe në funksion të karriges së tij. Kemi të re demaskimin e plotë të Edi Ramës para shqiptarëve dhe para komunitetit ndërkombëtar.
