Deputeti i Partia Demokratike Arian Ndoja ka qenë i ftuar në emisionin e mëngjesit ‘Kafe Shqeto’ në Syri tv.
Gjatë bised...
POLITIKE
Berisha: Dosja Balluku ka vetëm një zgjidhje, dorëheqjen e Edi Ramës!
PiranjatPërditësimi i fundit 2 Shkurt 2026, 13:40
Kreu i Partisë Demokratike, Sali Berisha, në një konferencë për media u shpreh se dosja Balluku është në fakt dosja e Edi Ramës dhe ka vetëm një zgjidhje: dorëheqjen e tij.
Ai akuzoi kryeministrin se ka asgjësuar drejtësinë dhe institucionin e akuzës për të mbrojtur veten nga hetimet për korrupsion. Berisha tha se zemërimi i qytetarëve po arrin përmasa të papërmbajtura dhe se qytetarët po kuptojnë që shpresat tek drejtësia janë shuar.
Sipas tij, Edi Rama është autori dhe arkitekti i sistemit të korrupsionit në Shqipëri dhe e sheh veten si padron të qytetarëve. Berisha vlerësoi përpjekjet e deputetëve dhe takimet me zgjedhësit, por theksoi se revoltë shpirtërore po lind tek njerëzit e thjeshtë.
FJALA E BERISHËS:
Të nderuar deputetë dhe deputete, të dashur qytetarë dhe qytetare, java fillon në kushtet e një diktature në të cilën de facto Edi Rama ka asgjësuar drejtësinë, ka asgjësuar institucionin e akuzës për faktin e vetëm sepse nga ky institucion, një prokuror guxoi të hetojë dosjen e tij.
Çdo orë, çdo ditë që kalon për çdo shqiptar bëhet e qartë se dosja Balluku është dosja Rama. Dhe se dosja Balluku ka vetëm një zgjidhje, dorëheqjen e Ramës.
Dhe ajo që është pozitive, është se këtë e ka kuptuar çdo shqiptar. Unë e vlerësoj shumë punën që keni bërë ju me zgjedhësit, përpjekjet tuaja, takimet e rëndësishme dhe përpjekjet serioze, por u garantoj se zemërimi i qytetarëve po shkon në përmasa të papërmbajtura.
Ka një revoltë të brendshme shpirtërore tek njerëzit e thjeshtë, të cilët e shohin se edhe ajo shpresë që kishin tek drejtësia për ndëshkimin e korrupsionit, u shua. Ata kuptuan se shkaku, autori, arkitekti i sistemit të korrupsionit në Shqipëri e ka emrin Edi Rama.
Ata kuptuan se njëlloj si në një diktaturë, drejtësia nuk mund t’i afrohet atij. Qytetarët po e kuptojnë, dhe e kanë kuptuar, se vjedhja e pasurive të tyre dhe fondeve publike për Edi Ramën është një normalitet. E konsideron veten si padron të tyre.
