Një tjetër tentativë e negociatorëve për të bindur 35-vjeçarin të dorëzohet është zhvilluar pak minut...
POLITIKE
Blushi: Qeveri narko-shtet që bllokon integrimin europian, ministrat në luks ndërsa populli vuan për bukën e gojës
PiranjatPërditësimi i fundit 14 Maj 2026, 16:22
Nga foltorja e Kuvendit, Sekretari i Përgjithshëm i Partisë së Lirisë, Tedi Blushi, ka lëshuar akuza të forta ndaj qeverisë, duke e cilësuar atë si një "narko-qeveri" dhe përgjegjësen e vetme për bllokimin e procesit të integrimit europian të Shqipërisë.
Ai theksoi se ngecja nuk vjen nga opozita apo qytetarët, por nga modeli i korruptuar dhe kriminal i sundimit që qeveris vendin. Blushi akuzoi qeverinë për përhapje korrupsioni në çdo hallkë të shtetit, për shkrirjen e partisë me shtetin dhe për ndërtimin e një "narko-shteti".
Blushi: Forca e Partia e Lirisë, me kontribut të veçantë ndër vite në procesin e integrimit europian, ka qenë dhe mbetet e palëkundur në angazhimin e saj për përshpejtimin e pandarshëm të këtij procesi dhe, veçanërisht, së fundmi, për rikthimin e vendit në shinat e standarteve demokratike euroatlantike. Diella nuk i mbulon dot të vërtetat që shohin sot të gjithë shqiptarët, dhe as propaganda e diellës se Shqipëria është sot më pranë Europës se kurrë. E vërteta është krejt ndryshe; është kjo e vërtetë që shohin sot të gjithë shqiptarët, të cilët e kuptojnë qartësisht se integrimi europian i vendit nuk është bllokuar prej tyre, nuk është bllokuar nga opozita, por nga kjo narko-qeveri dhe modeli i saj i korruptuar dhe kriminal i sundimit.
Europa nuk na refuzon pse jemi shqiptarë. Europa na refuzon kur sheh korrupsionin në çdo hallkë dhe në çdo zyrë të shtetit; kur nuk garanton dot, si shtet, liritë dhe të drejtat themelore të njeriut; kur e shkrin partinë me shtetin për të ndërtuar narko-shtetin; dhe kur sheh se ministrat e vendit më të varfër të kontinentit jetojnë në luks, ndërsa populli numëron lekët për bukën e gojës. Europa të refuzon kur sheh përshkallëzim me 11 vende në raportin e Transparency International sa i përket indeksit kundër korrupsionit; kur konstaton kthimin e Kuvendit në një rrobaqepësi të ligjeve me porosi për oligarkë dhe klientë të qeverisë; kur konstaton se tenderat paracaktohen; kur konstaton koncesionet klienteliste; dhe kur konstaton qindra e qindra miliona euro që nuk përfundojnë në shërbime, por në xhepin e kryeministrit, ministrave dhe klientëve të tyre.
Raporti i Departamentit Amerikan të Shtetit për klimën e investimeve e tha shqip, troç dhe saktë: korrupsioni, mungesa e transparencës dhe kapja e institucioneve janë pengesë serioze për ekonominë dhe investimet në Shqipëri. Kur partnerët strategjikë flasin qartë, atëherë nuk kemi të bëjmë me perceptim, por me një alarm ndërkombëtar për mënyrën se si sot po qeveriset vendi.
Edi Rama e ka kthyer shtetin në pronë private. Ministritë janë kthyer në zyra tenderash dhe qokash klienteliste. Paratë e qytetarëve më të varfër të kontinentit janë kthyer në luks për pushtetarët. Simboli më i qartë i kësaj arrogance është pikërisht mënyra se si menaxhohen sot sektorët strategjikë të vendit. Kur partnerët tanë shohin se si zyrtarë të lartë të qeverisë, si Belinda Balluku, nuk përmenden më vetëm në debatin e përditshëm politik, por janë kthyer sot në simbole të një pushteti që është mbi ligjin, mbi drejtësinë dhe mbi qytetarët, kuptohet qartësisht problemi.
Europa nuk po na pengon. Është Edi Rama ai që po pengon Europën në Shqipëri. Integrimi nuk bllokohet nga fjalët. Integrimin e bllokon korrupsioni. Ndaj sot Shqipëria ka më shumë nevojë se kurrë për një ndryshim të madh moral dhe politik, për institucione që garantojnë votën e lirë dhe barazinë para ligjit, dhe ka nevojë për shpresë.
