Një tjetër tentativë e negociatorëve për të bindur 35-vjeçarin të dorëzohet është zhvilluar pak minut...
POLITIKE
Dervishi: Deputetët sot shkuan në klasë të parë, ishte një lloj autoskaneri që i bënë vetes
PiranjatPërditësimi i fundit 14 Maj 2026, 22:01
Gazetari Lutfi Dervishi deklaroi se sot Kuvendi ishte “më normal” se herët e tjera. Duke komentuar rezolutën e integrimit të votuar me konsensus, Dervishi u shpreh kështu: “Duke e ndjekur Kuvendin sot, pashë një Kuvend më normal se ç’e kam parë herët e tjera. Pashë, ndoshta për herë të parë, kryetari i Kuvendit përpiqet të zbatojë rregulloren edhe ndaj shumicës, se deri tani duket sikur rregullorja ishte vetëm për disiplinën e opozitës.
Pashë që nuk e kishte problem kohën, tha që grupi parlamentar i PS-së le t'i japë një minutë kryetarit të Partisë Demokratike. Pra, tregon një lloj përpjekjeje për të qenë një vend normal”.
Më tej, Dervishi shtoi: “Cila është detyra e Kuvendit? Nga shpirti i del përfaqësuesit thotë “të bëjë ligje” dhe harron misionin mbikëqyrës. Tani, Parlamenti thotë “ne do të mbikëqyrim ekzekutivin”. Domethënë, është si të shkosh në klasën e parë dhe të thuash do të bëjmë detyrat, do të mësojmë abetaren.
Pastaj, thotë “ne do të zbatojmë vendimet e gjykatës”. Fundi i një shteti është kur nuk zbatohet vendimi i gjykatës. Shteti nuk funksionon kur vendimi i gjykatës nuk zbatohet. Tani, Parlamenti del dhe bën rezolutë dhe votohet atje që do t'i zbatojmë vendimet e gjykatës.
Pra, në një farë mënyre ajo ishte si të thuash edhe një lloj autoskaneri që i kanë bërë vetes”.
