Edi Rama ka sulmuar sërish protestuesit, duke pretenduar se pas tyre qëndrojnë krimi i organizuar dhe “duar të huaja”, pë...
POLITIKE
"Fermerët në krizë ekzistenciale", Panariti: Takimi me ministrat? Premtime boshe
PiranjatPërditësimi i fundit 8 Prill 2026, 17:54
Ish-ministri i Bujqësisë, Edmond Panariti, në një intervistë për SYRI TV,e përshkruan rezultatin e takimit të blegtorëve me ministrat si një premtim bosh, duke theksuar se qeveria nuk ofroi asnjë propozim real, por vetëm një shtyrje të diskutimit për në shtator. Sipas Panaritit, qeveria nuk mori asnjë angazhim për të adresuar kërkesat urgjente të fermerëve, të cilët ndodhen në një krizë ekzistenciale.
“Të caktosh një afat në shtator për rishikimin e buxhetit nuk është propozim,” u shpreh ai, duke e cilësuar takimin si një “dekor ministerial” ku ministri i Financave ishte i pranishëm, por “nuk e hapi çantën” për të ofruar fonde.
Kërkesat e blegtorëve ishin të qarta dhe të mirëpërcaktuara: rritja e subvencionit për krerë lope nga 120 në 200 euro, heqja e tavaneve kufizuese dhe ofrimi i naftës pa taksa për bujqësinë. Asnjëra prej këtyre kërkesave nuk u mor parasysh. Panariti thekson se këto masa janë jetike, pasi blegtoria shqiptare është e nënfinancuar dhe e penalizuar në krahasim me vendet e rajonit, të cilat përfitojnë edhe nga fondet IPARD. Kriza në sektor është thelluar nga kostot stratosferike të prodhimit. Çmimi i koncentratit dhe i ushqimeve të tjera për bagëtinë i ka bërë fermat shqiptare jo konkurruese.
Sipas ish-ministrit, qumështi i prodhuar në vend ka një kosto të paktën 40% më të lartë se ai i importit, i cili hyn në tregun shqiptar i subvencionuar nga vendet e origjinës. “Pjesa më e madhe e fermerëve nuk do kenë më leverdi të merren me blegtori,” paralajmëroi ai, duke shtuar se kjo konkurrencë e pandershme nga importet e subvencionuara shkel edhe marrëveshjet e tregtisë së lirë.
Justifikimi i qeverisë se masat kufizohen për shkak të luftës në Ukrainë hidhet poshtë nga Panariti. Ai argumenton se në situata emergjence duhet bërë më shumë, jo më pak, duke sjellë si shembull vendet fqinje që kanë miratuar paketa shtesë pikërisht për të përballuar krizën.
Panariti:
Unë nuk mendoj se qeveria bëri ndonjë propozim. Të caktojë një afat shtatori për rishikimin e buxhetit nuk bën një premtim. Dhe propozim nuk pati. Aty pati një dekor ministerial për t'i dhënë peshë ndoshta takimit, ku ishte dhe ministri i Financave, i cili presupozohej të kishte dhe çantën me buxhetin, por që në fakt nuk e hapi çantën dhe nuk nxori asnjë fond për të plotësuar kërkesat që i paraqitën ë, grupi i fermerëve, të cilët ishin shumë ë, të sakta dhe të mirëpërcaktuara. Pra, kërkohej që subvencioni për lopë të shkonte nga 120 euro në 200 euro, që është plotësisht i justifikueshëm, duke pasur parasysh që, blegtoria në Shqipëri, përveç që është e nënfinancuar, është e penalizuar edhe nga fondet e IPARD-it, gjë që tek vendet fqinjë funksionojnë dhe e ndihmojnë blegtorinë për të përfituar krahas fondeve të buxhetit të shtetit.
Pra, nuk u, nuk u përcaktua asgjë. U, u bë një kërkesë që të hiqen tavanet, as ajo nuk u mor parasysh. Dhe ajo që ishte më thelbësore, që ishte , nafta pa taksa, edhe ajo, nuk u mor parasysh. Pra, u la shtatori , për një rishikim të buxhetit, që normalisht ndodh edhe pa, pa u bërë ky takim. por nëse do të ketë një reflektim deri në shtator, nuk dihet asgjë, ndërkohë që kriza është ulur këmbëkryq. Praktikisht ata thanë që jemi në një moment , kritik, ekzistencial. Pjesa më e madhe e tyre nuk do kenë më leverdi për t'u marrë me blegtori, për arsye sepse kostoja e koncentratit, e silazhit për lopët, po kështu edhe ë, kostot e tjera kanë shkuar në stratosferë, dhe për rrjedhojë, qumështi i fermave tona nuk mund të konkurojë me qumështin e importit, pasi del me një kosto të paktën 40% më të lartë. Pra, ata kërkonin rritjen e masës së subvencionit, po kështu dhe mbrojtje nga konkurrenca e pandershme nga qumështi i importit, i cili padrejtësisht hyn në Shqipëri, duke qenë i subvencionuar nga jashtë, ndërkohë që qumështi jonë është i pasubvencionuar, edhe në kuadrin e marrëveshjes së tregtisë së lirë. Kjo gjë ndalohet të ndodhë.
Pra praktikisht, nëse qumështi shqiptar nuk subvencionohet dhe ai i importit subvencionohet, duhet që të balancohet konkurrenca nëpërmjet taksave të importit. Këtë kërkuan ata, sidomos për të dekurajuar dhe përdorimin e lëndëve si qumështi pluhur apo, apo vaji i palmës, në një farë mënyre që shrregullojnë dhe prishin të gjitha raportet e një konkurrence të ndershme në treg. Pra unë nuk më duk se pati aty ndonjë angazhim nga qeveria. Thjesht një dëgjesë, një premtim evaziv që nga shtatori do të rishikojmë buxhetin dhe përcjellje e fermerëve.
Së pari, në situata kritike dhe situata emergjence bëhet më shumë se në situata paqe, kur ekziston një normalitet tregu dhe çmimet janë të balancuara, nuk është ndoshta shumë e nevojshme. Prandaj kjo nuk qëndron. Për arsye se jemi në luftë dhe duhet të bëjmë më pak. Përkundrazi, po të shikoni të gjithë vendet fqinjë kanë paketa shtesë, pikërisht për të përballuar këtë çrregullim të çmimeve të inputeve bujqësore, të naftës, të plehrave kimike, të shkaktuar nga bllokimi i tregjeve pasojë e luftës. Pra po nuk i more masat në luftë, kur do të, kur i pret t'i marrësh.
Kjo nuk qëndron. Pra është një mungesë vullneti, për të nxjerrë para nga buxheti i shtetit. Unë e shikoj shumë thjesht këtë histori. U bë një takim kortezie atje, u bë sikur u dëgjuan dhe praktikisht pati vetëm një lugë bosh për fermerët dhe asgjë, asnjë angazhim konkret nuk u mor. Po qe se do ekzistonte vullneti, që të nesërmen me një vendim qeverie, ë, apo me një vendim qarkullues, merrej ë, një masë për shtimin e financimit për krerë, pra ta çonin, siç thanë, siç kërkonin fermerët me të drejtë, ë, nga 120 në 200, duke u njësuar pak a shumë me, me mesataren e rajonit dhe Bashkimit Europian. Aq më tepër që ferma jonë blegtorale nuk përfiton fondet e IPARD-it, që janë shumë konsistente. Pra, ky ishte thelbi i takimit, për të mos u zgjatur, nuk pati ndonjë gjë.
