Një kanal në WhatsApp, i krijuar për të mbështetur fushatën e rizgjedhjes së Luiz Inácio Lula da Silvës, po vler&...
POLITIKE
'Mjaft me korrupsion, skandale e padrejtësi!'/ Gjekmarkaj: Protesta e 22 dhjetorit në Tiranë do të jetë madhështore
PiranjatPërditësimi i fundit 20 Dhjetor 2025, 18:46
Nënkryetari i Partisë Demokratike Agron Gjekmarkaj akuzoi qeverinë Rama dhe klikën e tij se po e zhbën Shqipërinë.
Korrupsioni, sundimi, vulgariteti, banaliteti i kësaj klike qeverisëse po i zë frymën Shqipërisë, po i zë frymën Kurbinit, po varfëron familjet tuaja, po e merr peng të ardhmen e fëmijëve tanë, po i dëbon të gjithë nga atdheu.
Gjekmarkaj ftoi qytetarët e Kurbinit të bashkohen në protestën e 22 dhjetorit që do të mbahet në Tiranë.
Fjala e Gjekmarkajt
Doktor Berisha, a e shikoni atë pankart atje sipër?
Ajo flet qartë, me zemër dhe me besë, ne ju duam, ne ju besojmë. Ju mbetet të na udhëhiqni nga njëri dhjetor në tjetrin, nga ai i vitit 1990 në të sotmin, për një Shqipëri si gjithë Europa.
Një ëndërr që na rrëmbehet sa herë neokomunistët rrëmbejnë pushtetin. Kurbini e ka thënë fjalën e vet dje, sot e do ta thotë dhe të hënën në mejdanin e protestës kombëtare.
Të dashur miq, sot Shqipëria po e ka të vështirë të marrë frymë. Sot Shqipëria po kthehet, po zhbehet, po zvogëlohet, po fiket, po vilet nga banda që ka mbi krye, nga Edi Rama me shokë, nga mënyra perverse të cilat i tejkalojnë fantazitë më të shfrenuara, ato popullore dhe ato të letërsisë. Ata janë musketierët e vjedhjes, hajdutë, të gjithë për një e një për të gjithë.
Korrupsioni, sundimi, vulgariteti, banaliteti i kësaj klike qeverisëse po i zë frymën Shqipërisë, po i zë frymën Kurbinit, po varfëron familjet tuaja, po e merr peng të ardhmen e fëmijëve tanë, po i dëbon të gjithë nga atdheu.
Kjo është një qeveri pushtuese e dalë nga zgjedhjet e grabitura. Kjo është një qeveri grabitësish e dalë nga mitra e babëzisë. Duhet të ikin këta pushtues dhe të kthehen shqiptarët, të kthehet liria e dinjiteti. Por sot, këtu në Kurbin, shoh qytetarë që nuk u përkulën, shoh guximtarë, shoh misionarë, shoh njerëz që nuk u tjetërsuan në zgjedhjet e 11 majit.
Shoh burra e gra që nuk e shitën votën dhe dinjitetin e tyre. Përkundrazi, u përballën dhe fituan. Fitorja pati ju në ballë. Për këtë faleminderit secilit prej jush. Faleminderit që qëndruat me kokën lart kur ishte tejet e vështirë.
Faleminderit që më bëtë nderin e jetës, duke ma lehtësuar barrën e besimit që Sali Berisha dhe Partia Demokratike më lanë si drejtues i Qarkut të Lezhës.
Kjo foltore është zëri juaj. Është vendi ku flitet pa frikë dhe pa leje. Është thirrje për ndryshim dhe për drejtësi. Të hënën, me datë 22, protesta jonë në Tiranë do të jetë shembullore, do të jetë madhështore. Jehona e saj do të mbërrijë kudo dhe do të shndërrohet në një pikë kthese për të marrë në dorë fatin tonë. Mjaft është mjaft! Mjaft me korrupsion, mjaft me skandale! Mjaft me padrejtësi! Mjaft me varfëri! Mjaft me talljen e qytetarëve! Mjaft me idiotë në zyrat e shtetit.
