Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
POLITIKE
“Njerëz të krimit për të mbyllur gojën e dëshmitarëve për çështjen Balluku?”, Lala: SPAK të veprojë
PiranjatPërditësimi i fundit 23 Shkurt 2026, 21:47
Gazetarja Klodiana Lala deklaroi se SPAK duhet të ngrejë një akuzë zyrtare ndaj Belinda Ballukut nëse vërtetohet se janë përdorur persona me rekorde kriminale për të intimiduar dëshmitarë në kuadër të hetimeve.
Lala u shpreh se Prokuroria e Posaçme ka paraqitur përgjime telefonike dhe ambientale të vartësve dhe ish-vartësve të Ballukut, ku sipas saj, janë ngritur dyshime për ndërhyrje dhe presione ndaj personave që duhet të dëshmojnë.
Sipas gazetares, nëse provohet se dëshmitarët janë kërcënuar apo ndikuar nga persona të lidhur me botën e krimit, atëherë SPAK ka detyrimin ligjor të sqarojë rolin e tyre dhe të ngrejë përgjegjësi penale.
“Do të kisha preferuar që zonjën Balluku ta shihja të përballej me kolegët dhe prokurorët për të dhënë shpjegimet e para. Sepse për gazetarët ka pasur një ndalim 30 sekondësh duke thënë se do respektoj vendimmarrjen, por në fakt është duke përdorur kryeministrin dhe forcën e vet politike dhe është duke bërë makinacion ligjor dhe jo ligjorë për të…Çështja Balluku e ka vënë zotin Rama në një vështirësi duket qartazi. Fakti që një kryeministër del pas një ekrani n ëmëngjes dhe na bën leksione juridike do të thotë se është në vështirësi të madhe. Dy janë momentet që duhet të sqaroj.
Së pari, sot SPAK ka sjellë disa përgjime telefonike dhe ambientale që janë përgjuar vartës dhe ish vartës të Ballukut. Në diskutime mes njëri-tjetrin kanë nxjerrë në pah një fakt shqetësues, duke lënë të kuptohet që njerëz me rekorde kriminale kanë intimiduar dëshmitaët ose janë përdorur nga Balluku ose persona pas saj për t’i intimiduar. SPAK ka detyrimin ligjor të sqarojë se kush janë njerëzit e botës së krimit që dyshohet ta kenë bërë këtë? Nëse Balluku ka përdorur njerëz të botës së krimit për të indimiduar dëshmitarët duhet të ketë akuzë zyrtare ndaj saj, dhe kjo na nxjerr më pas në një situatë të re, që dmth se krimi dhe politika janë bashkë dhe mund të përdorin çdo mekanizëm. Moment i dytë ka të bëjë me rëndimin e pozitës së Ballukut.
Sot bëhet fjalë pë 9 episode në total, 6 episode të Unazës së Madhe dhe koncesioni i rrugës Thumanë Kashar. Fakti që është gjetur përsëritëse, sipas prokurorëve, është shkak i fortë që të kërkojnë leje për ta arrestuar. Se prokurorët thonë se kemi dyshime që ka intimiduar dëshmitarët, dhe njëra nga të pandehurat për tunelin e Llogarasë ka deklaruar para prokurorëve që thotë mua më janë afruar njerëz për të intimuduar, i ka bërë tenderat nën diktatin e Berberit, më kanë përndjekur burrin, më kanë përdorur çdo mekanizëm ligjorë dhe jo ligjorë për të më mbyllurgojën për të mos dëshmuar kundër Ballukut.
Kjo historia e intimidimit të dëshmitarëve duhet të shkojë deri në gjenezën e vet. Për mua është më e rëndë se janë përdorur njerëz të krimit për të intimiduar dëshmitarët sesa vepra në vetvete. “, tha ajo.
