Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
POLITIKE
Rama lobon për Vuçiç nga Italia: S’ka BE për Shqipërinë pa Serbinë! (REAGIMET)
PiranjatPërditësimi i fundit 28 Prill 2023, 10:46
TIRANË- Kryeministri Edi Rama është kthyer në qendër të vëmendjes së mediave, këtë herë jo për fushatën e 14 majit dhe për sulmet e tij ndaj Opozitës, por për një deklaratë të bërë në mediat italiane, ku shfaqet edhe njëherë tjetër si ‘avokati’ i Serbisë.
Në një intervistë për Porta e Porta, Rama kërkoi që Serbia të qëndrojë më afër me vendet e tjera të Ballkanit, për të qenë më të bashkuar politikisht. I pyetur nëse Shqipëria i tremnbet një zgjerimi të mundshëm në Bashkimin Evropian që përfshin Serbinë, në një kohë kur ky vend shihet shumë pranë Rusisë, Rama e mohoi në mënyrë kategorike.
“Jo, jo vetëm që nuk i trembemi kësaj, por jemi një zë mjaftueshëm i dalluar në Ballkanin Perëndimor që thotë se duhet ta mbajmë Serbinë shumë pranë dhe duhet të bëjmë gjithçka që të jemi të bashkuar politikisht. Nga ana tjetër, sigurisht që ka dallime sepse Serbia nuk e ka sanksionuar Rusinë për arsye të qarta që në një moment duhet kuptuar se ato janë arsye të natyrës politike dhe historike, por edhe të natyrës pragmatike,”- tha Rama.
Madje, kryeministri i Shqipërisë tha se në mënyrë kategorike nuk e mendon një Bashkim Europian që përfshin Shqipërinë dhe vendet e tjera të Ballkanit pa Serbinë.
Edi Rama: Ne duhet të bëjmë gjithçka për të shmangur që pasioni luftarak, le të themi, të mos na përfshijë edhe ne në krijimin e mosmarrëveshjeve mes vendeve anëtare të NATO-s dhe pro NATO-s në Ballkan dhe mes Serbisë dhe komuniteteve që i përkasin një bote sllavo-ortodokse, që është e lidhur ngushtë me Rusinë.
Vittoriana Abate: A mund të mendohet një Bashkim Europian që përfshin Shqipërinë dhe vendet e tjera të Ballkanit pa Serbinë?
Edi Rama: Jo, për mendimin tim jo.
Vittoriana Abate: Çfarë skenari mund të imagjinoni në këtë fazë të konfliktit?
Edi Rama: Mundësia më e madhe është që ky është një nga konfliktet e ashtuquajtura të ngrira, por me një dimension mjaft mbresëlënës që mund të marrë peng jo vetëm Rusinë dhe Ukrainën, por të gjithë botën për një periudhë të gjatë kohore. Dhe, nëse rusët kanë qenë gjithmonë luftëtarë mjaft të ashpër, ukrainasit janë të njëjtë. Kështu të thuash që këtu mund të vendoset pa ata, më duket mjaft e vështirë.
Kjo deklaratë ka marrë dhe mjaft reagime. Një prej atyre dhe analisti polak, Jakub Bielamoëicz, ekspert në çështjet e integrimit europian.
“Pavarësisht nga probabiliteti i ulët që ndonjë nga vendet e Ballkanit Perëndimor të anëtarësohet në BE së shpejti, është sërish e habitshme të shohësh Kryeministrin shqiptar, Edi Rama, duke lobuar për anëtarësimin e Serbisë në BE, të cilin lidershipi aktual post-Millosheviçit e ktheu në shtetin kandidat më pak të përshtatshëm për anëtarësim”, shkruan ai në një postim në rrjetet sociale.
Megjithatë, kjo nuk është hera e parë që kryeministri Edi Rama lobon për Serbinë. Në një intervistë për AP-në të dhënë më 5 dhjetor të vitit 2022, Rama i bënite thirrje BE-së që ta mbante sa më afër Serbinë.
Rama ka kritikuar më parë BE-në për zvarritjen e saj në pranimin e vendeve të reja anëtare. Gjashtë vendet që janë në fokus të samitit - Shqipëria, Bosnja, Kosova, Mali i Zi, Maqedonia e Veriut dhe Serbia - morën garanci për vite me radhë, por panë që hapat e tyre drejt anëtarësimit të ngecin.
Sipas Ramës, lufta në Ukrainë ka dhënë një kujtesë të cenueshmërisë së rajonit dhe i ka dhënë BE-së një nxitje për të sjellë vendet e Ballkanit Perëndimor në vathën demokratike të Evropës. Ai tha se blloku duhet veçanërisht të punojë "afër me Serbinë", e cila nuk i është bashkuar sanksioneve të BE-së gjatë kohës së luftës ndaj Rusisë.
“Zëri i përbashkët i Ballkanit Perëndimor...ka ndihmuar të shtyjë më shumë liderë të BE-së” që të lëvizin vendet në rrugën e anëtarësimit sepse “ju duhet Ballkani, Ballkani Perëndimor po aq sa Ballkani Perëndimor ka nevojë për BE-në”, tha Rama.
