Detaje të reja kanë dalë nga aksidenti tragjik që ndodhi pasditen e sotme pranë rrethrrotullimit të TEG-ut, ku bëhet me dije ...
POLITIKE
"Rrugët u shembën dhe askush s'mban përgjegjësi", Berisha akuza: Gërryen shtratin e Shkumbinit dhe fshehën tunelin e shkatërruar
PiranjatPërditësimi i fundit 3 Mars 2026, 19:20
Këtë të martë kreu i PD Sali Berisha është ndalur në Durrës, ku ka mbajtur Foltoren e radhës. Berisha është pritur nga mbështetës të tij. Kreu i PD deklaroi se qeveria e kryeministrit Rama e ka kthyer korrupsionin në sistem.
Berisha ka hedhur akuza edhe për infrastrukturën, duke akuzuar qeverinë për vjedhje.
“Kush i vodhi 42 mln për pastrimin? Kush e spostoi hidrovorin në kundërshtim me të gjitha kondicionet e hidrovoreve? Që të gjithë pronësi shtetërore të vjedhura nga vetë shteti. Këta që qeverisin sot shqiptarët, sillen si pushtuesit më të egër që kanë njohur ndonjëherë”, tha ai, duke shtuar: “Ata që kanë ndërtuar atë rrugë kanë ndarë paratë me qeveritarët. Të gjitha rrugët u shembën dhe askush nuk ka përgjegjësi. Thonë na i shembi natyra. Dhanë lejen për të gërryer shtratin e Shkumbinit dhe për të hedhur rrugën që është të paktën 70-vjeçare. U shemb edhe tuneli, por e fshehën tunelin e shembur. Sa të rrezikshëm dhe sa të pamëshirë janë. Një përzierje, mafie shtetërore e zyrtarëve me mafiozë të tjerë që rëndojnë mbi shpatullat e trupin tonë dhe largojnë shqiptarët nga Shqipëria”, tha ai.
