“Ne ishim në shesh më 24 maj në Porta Ticinese. Na e ndryshuan vendndodhjen, por kjo nuk ndryshon motivimin tonë dhe dëshir&eum...
POLITIKE
“Shkove bëre plazh e fjete në shtëpi”/ Deklaratat e deputetes së PS shkaktojnë të qeshura! Ligjvënësi i PD: Kur të jep këshilla edhe Zegjineja
PiranjatPërditësimi i fundit 2 Tetor 2026, 13:10
Diskutimet në Komisionin e Ligjeve për ndarjen e re territoriale ka shkaktuar krahas debateve edhe batuta dhe të qeshura.
Ka qenë deputetja e PS, Zegjine Çaushi, e cila i është drejtuar kolegut të tij demokrat, Xhelal Mziu, duke i thënë se për 4 muaj bojkotove komisionin e reformës territoriale.
“Mos e bojkotoje 4 muaj, por shkove berë plazh, fjete dhe gjumë në shpi dhe vjen këtu e kërkon bashkimin e dy nismave”, iu drejtua Zegjine Çaushi deputetit Xhelal Mziu.
Ky i fundit me nota ironie u përgjigj, duke i thënë se “kur të jep këshilla edhe Zegjineja është standard i lartë, ndaj duhet të merren në konsideratë”.
Pjesë nga debati:
Zegjine Çaushi: Nëse e kishte kaq shqetësim të madh reformën territoriale ti Xhelal, kujtoheshe. Mos e bojkotoje 4 muaj, por shkove berë plazh, fjete dhe gjumë në shpi dhe vjen këtu e kërkon bashkimin e dy nismave
Ulsi Manja: Ti zonja Caushi, këtë punën e plazhit e pate vetëm për zotin Mziu apo për të gjithë?!
Xhelal Mziu: Në fakt kur Zegjineja të jep këshilla në të gjitha fushat është vërtet një standard i lartë dhe duhet ta marrësh në konsideratë edhe ti kryetar për qortimet që ju bën, sepse Zegjineja është më afër asaj që ka si pikësynim PS dhe jo standardi. Kështu që do të dëshiroja që komisionit të shkojë drejt zbatimit të ligjit dhe jo rekomandimeve të Zegjinëse që nuk të dërgojnë në asnjë vend, përveçse në një kolpasi të pushtetit vendor.
