“Ne ishim në shesh më 24 maj në Porta Ticinese. Na e ndryshuan vendndodhjen, por kjo nuk ndryshon motivimin tonë dhe dëshir&eum...
POLITIKE
Protesta e Memaliajt dhe Fushë Arrëzit, Blushi: Rama kërkon të shuajë identitetin dhe historinë e këtyre trevave
PiranjatPërditësimi i fundit 2 Tetor 2026, 11:50
Sekretari i Përgjithshëm i Partisë së Lirisë Tedi Blushi i është bashkuar protestës së banorëve të Memaliajt dhe Fushë Arrësit, që janë kundër reformës territoriale të Ramës që kërkon shkrirjen e bashkive të tyre.
Blushi: Jemi në protestën legjitime shumë të drejtë të banorëve të Memaliajt dhe të Fushë Arrësit, të cilët po reagojnë kundër hartës, shkombëtarizuese, shpopulluese që kërkon të imponojë me dhunë Edi Rama. Në qoftë se ky parlament nuk dëgjon zërin e banorëve të Memaliajt, zërin e banorëve të Fushë Arrësit dhe zërin e banorve të 15 bashkive që me një firmë të Edi Ramës do të shkrihen nga harta e Shqipërisë, nuk mund të flasim kurrsesi për një hartë të re territoriale dhe as për reformë territoriale, por për një projekt që synon vetëm shkombëtarizimin, shpopullimin e këtyre trevave dhe në veçanti zhbërjen e bashkive të cilat kanë rezultuar me performancën me te lartë.
Bashkia e Memaliajt dhe Fushë Arrezit kanë rezultuar me performancë të shkëlqyer. Edi Rama kërkon të shuajë identitetin e këtyre trevave, historinë e këtyre trevave. Të shuajë të gjithë atë trashëgimi të shkëlqyer të këtyre zonave dhe të 15 bashkive të tjera të cilat për Edi Ramën, trajtohen sot si një plaçkë, elektorale.
