Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Pse kryeministri kanadez shkoi në Kinë dhe nuk mori pjesë në bisedimet e sotme për Ukrainën? Haaland i jashtëzakonshëm, arrin 68 gola sa Mbappe por me 47 ndeshje me pak Arrestohet në Shkodër 45-vjeçari i shpallur në kërkim nga Italia, pritet ekstradimi “Lulet vyshken, por dashuria mbetet gjithmonë”, Brikena Selmanaj merr dhuratën e veçantë, mesazhi i saj ngr... Rënie historike e euros, monedha europiane zbret nën 90 lekë për herë të parë U gjet në trupin e një viktime të Titanikut, ora pritet të shitet për një shumë marramendëse Kandidati i Listës Studentore zgjidhet kryetar i Kuvendit të Serbisë Kurti: Drafti i parë i Ligjit për Specialen dorëzohet javën e ardhshme nga grupi i ekspertëve Buxheti 2027/ Tedi Blushi: Antisocial dhe mashtrues, pensionistëve u duhet një shekull për të arritur pensi... Shtrenjtim deri në 4-fish! ERRU miraton çmimet e reja të ujit sipas fashave, preken familjarë dhe biznese SHBA po ndryshon kurs ndaj Kinës! Pse Donald Trump mund të jetë 'miku i fundit amerikan' i Xi Jinping-ut? Jakup Krasniqi pranë familjes në Prishtinë, Kurti: Momente të vështira, urojmë që gjithçka të shkojë mirë...
SOCIALE

Shembje në rrugën Qafë Bualli-Krastë/ 22 mln euro për aksin që ende s'ka përfunduar, Martaneshi drejt shpopullimit

P
Piranjat19 November 2026, 17:27 · 3 min lexim
Shembje në rrugën Qafë Bualli-Krastë/ 22 mln euro për

Shembet një masiv shkëmbor në rrugën Qafë Bualli-Krastë, duke nxjerrë sërish në pah problematikat e këtij aksi rrugor, punimet e të cilit ende nuk kanë përfunduar, pavarësisht miliona eurove të shpenzuara.

Fatmirësisht, në momentin e shembjes nuk ka pasur automjete në qarkullim dhe nuk raportohet për persona të lënduar. Për përfundimin e punimeve, Autoriteti Rrugor Shqiptar ka akorduar një tjetër fond prej afro 10 milionë eurosh, duke e çuar koston totale të këtij aksi në rreth 22 milionë euro. Por ajo që e bën edhe më problematike këtë investim është fakti se edhe tenderi i dytë për plotësimin e punimeve i është dhënë të njëjtit bashkim kompanish që fitoi kontratën e parë.

Bëhet fjalë për kompanitë “BE – IS SH.PK”, “ERGI” dhe “VËLLEZËRIT HYSA”, të cilat janë shpallur fituese të procedurës së re me një ofertë prej 952,928,422 lekësh pa TVSH. Kontrata e parë ishte nënshkruar në dhjetor 2023 për sistemimin dhe asfaltimin e segmentit prej 16.5 kilometrash, ndërsa fazës së dytë i është përcaktuar një afat zbatimi prej 10 muajsh. Kështu, një rrugë që synonte të përmirësonte lidhjen e Martaneshit me pjesën tjetër të vendit po kushton tashmë rreth 22 milionë euro.

Ndërkohë, ndërsa miliona euro shkojnë për këtë aks rrugor, zona e Martaneshit po përballet me një tjetër problem të rëndë: shpopullimin. Sipas Censusit të INSTAT-it 2023, Njësia Administrative Martanesh kishte vetëm 1,339 banorë rezidentë, nga të cilët 688 meshkuj dhe 651 femra. Të dhënat administrative të Bashkisë Bulqizë tregonin 2,017 banorë të regjistruar në vitin 2023, 2,006 në vitin 2024 dhe 1,997 në vitin 2025, ndërsa për vitin 2026 shënohet shifra prej 1,339 banorësh.

Këto shifra tregojnë një tkurrje të fortë demografike, megjithëse të dhënat e Censusit dhe regjistrit administrativ nuk janë drejtpërdrejt të krahasueshme. Martaneshi, që përfshin qytetin e Krastës dhe shtatë fshatra të tjerë, është një zonë malore me një territor prej rreth 169 kilometrash katrorë.

Në vend që investimet publike të shoqërohen me zhvillim ekonomik dhe kushte për të mbajtur banorët në zonë, Martaneshi vijon të përballet me largimin e popullsisë.

Shembja e masivit shkëmbor në një rrugë që po kushton 22 milionë euro ngre pikëpyetje jo vetëm për cilësinë dhe sigurinë e punimeve, por edhe për efektivitetin e investimeve publike në një zonë që po zbrazet gjithnjë e më shumë.

SHPËRNDAJE

Lexo edhe

SOCIALE

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.