Jakup Krasniqi pranë familjes në Prishtinë, Kurti: Momente të vështira, urojmë që gjithçka të shkojë mirë

Kryeministri i Kosovës, Albin Kurti, ka shprehur solidaritetin e tij me familjen e ish-kryetarit të Kuvendit të Kosovës, Jakup Krasniqi, i cili prej dy ditësh po qëndron në banesën e tij në Prishtinë.
Kurti e cilësoi situatën në familjen Krasniqi si jashtëzakonisht të dhimbshme, duke theksuar se në këto momente të vështira të gjithë janë pranë tyre.
“Është jashtëzakonisht e dhimbshme situata e rëndë në familjen e ish-kryekuvendarit, Jakup Krasniqi dhe në këto momente të vështira natyrisht që të gjithë bashkëndjejmë me vuajtjen edhe dhimbjen dhe urojmë që gjithçka të shkojë sa më mirë që është e mundur. Në një situatë kur ai u dënua me 25 vjet burg me gjithë ato pasaktësi historike e faktike, padyshim që të gjithë jemi pranë familjes Krasniqi”, është shprehur Kurti.
Ish-kryetari i Kuvendit të Kosovës, Jakup Krasniqi, po qëndron për të dytën ditë në shtëpinë e tij në Prishtinë, ku është bashkuar me familjen për shkak të gjendjes shëndetësore të bashkëshortes.
Krasniqi është një nga të akuzuarit në procesin gjyqësor që po zhvillohet në Dhomat e Specializuara të Kosovës në Hagë, ku është dënuar me 25 vite burgim.
Vizita e tij në Kosovë vjen në rrethana të vështira familjare, ndërsa deklarata e Kurtit shpreh solidaritetin me familjen Krasniqi në këtë periudhë të vështirë.
Lexo edhe
KOSOVA
Kosovë, shtyhet seanca ku pritej rishqyrtimi i Ligjit për Specialen

Pagat, shërbimet sociale dhe arsimi, tri protesta sot në Prishtinë

Krimi i rëndë në Suharekë/ Ky është 59-vjeçari që u vra në sy të gruas dhe vajzës

Jakup Krasniqi përfundon pas 6 orësh vizitën në Kosovë, largohet nën prezencën e policisë dhe thirrjeve: UÇK

Kos për incidentin me këngën serbe: I shpreha keqardhje Kurtit






