Kryetari i Partisë Demokratike Sali Berisha, ka sjellë në vëmendje një deklaratë të eurodeputetit Tomáš Zdech...
SOCIALE
Elbasani bëhet qendra e diskutimit europian për Alzheimerin, ekspertë nga mbi 20 vende në konferencën “Ethics in Dementia”
PiranjatPërditësimi i fundit 20 Korrik 2026, 14:32
Universiteti i Elbasanit “Aleksandër Xhuvani” do të presë një nga aktivitetet më të rëndësishme shkencore ndërkombëtare në fushën e demencës. Përmes Fakultetit të Shkencave Mjekësore Teknike do të organizohet konferenca “EDEM Conference – Ethics in Dementia”, aktiviteti përmbyllës i rrjetit europian COST Action CA21137 – Ethics in Dementia.
Konferenca do të sjellë në Elbasan studiues, ekspertë të etikës, profesionistë të shëndetësisë dhe politikëbërës nga më shumë se 20 vende të botës, në kuadër të Muajit Botëror të Alzheimerit.
Qëllimi i këtij aktiviteti është promovimi i kërkimit shkencor, rritja e ndërgjegjësimit për sfidat që sjell demenca dhe diskutimi i çështjeve etike që lidhen me kujdesin ndaj personave të prekur nga kjo sëmundje.
Në konferencë pritet të marrin pjesë emra të njohur ndërkombëtarë në fushën e etikës biomjekësore dhe kërkimit mbi Alzheimerin. Programi do të përfshijë leksione plenare, panele diskutimi dhe prezantime shkencore mbi tema si autonomia dhe dinjiteti i pacientëve, vendimmarrja klinike, kujdesi familjar, përdorimi i teknologjisë në shërbim të pacientëve dhe politikat europiane në këtë fushë.
Organizimi i këtij aktiviteti vjen me angazhimin e Prof. as. dr. Elona Gaxhja, Drejtuese e Departamentit të Infermieristikës, e cila ka qenë pjesë aktive e rrjetit europian EDEM dhe do të jetë organizatore lokale e konferencës.
Zhvillimi i kësaj konference në Elbasan përbën një vlerësim për Universitetin “Aleksandër Xhuvani” dhe komunitetin akademik shqiptar, duke forcuar bashkëpunimin ndërkombëtar dhe duke e pozicionuar qytetin si një pikë të rëndësishme të aktiviteteve shkencore në Europë.
