Spektakël në Olympiastadion, Gjermania mposht 5-0 Holandën, djaloshi me origjinë shqiptare Brajan Gruda lë sërish shenjë
Gjermania ka dhënë një shfaqje force të jashtëzakonshme në fushën e saj, duke triumfuar me rezultatin e thellë 5-0 përballë Holandës, në takimin e vlefshëm për Ligën e Kombeve

Gjermania ka dhënë një shfaqje force të jashtëzakonshme në fushën e saj, duke triumfuar me rezultatin e thellë 5-0 përballë Holandës, në takimin e vlefshëm për Ligën e Kombeve. Përballja e zhvilluar në “Olympiastadion” ka folur plotësisht gjermanisht, me “Panzerat” që kanë dominuar nga minuta e parë e p’deri në të fundit, duke mos i lënë asnjë mundësi reagimi “tulipanëve”.
Golat e kësaj sfide spektakolare nisën që në pjesën e parë, ku Derry Scherhant hodhi themelet e fitores duke zhbllokuar shifrat në minutën e 41-të. Në fraksionin e dytë, “Die Mannschaft” e ngriti ndjeshëm ritmin, duke shkatërruar mbrojtjen holandeze. Nico Schlotterbeck u shënua në listën e golashënuesve në minutën e 65-të, ndërsa Florian Wirtz dhuroi spektakël personal duke realizuar dy herë brenda pak minutash (në të 60-tën dhe të 71-tën).
Për t'i vënë kapakun kësaj nate perfekte mendoi talenti me origjinë shqiptare, Brajan Gruda. Futbollisti që mban fanellën me numrin 10 të Gjermanisë konfirmoi momentin e tij të jashtëzakonshëm të formës, duke gjetur rrugën e rrjetës në minutën e 77-të. Ky është goli i dytë radhazi për Grudën me kombëtaren gjermane, duke dëshmuar se po shndërrohet gjithnjë e më shumë në një pikë referimi për të ardhmen e kësaj skuadre.
Për sa i përket situatës dramatike në grupin e Ligës A, sfida e mbrëmjes ka vulosur një epilog të çmendur. Pas fitores së Greqisë ndaj Serbisë, situata në renditje ka përfunduar me një ngjeshje të jashtëzakonshme: Gjermania, Holanda dhe Greqia e mbyllin fazën e grupeve në kuotën e barabartë me nga 11 pikë secila. Pavarësisht këtij ekuilibri pikësh, grekët mbeten në zonën e "play-out"-it për shkak të golavarazhit, ndërsa Serbia arkëton vetëm 0 pikë dhe rrëzohet në shkallët e tjera, duke mbyllur një grup nga më interesantët e këtij edicioni.
Lexo edhe
SPORT
Lukaku tërhiqet nga kombëtarja, De Bruyne mbetet i vetmi i mbijetuar i brezit të artë belg

‘E tradhtuan, nuk treguan respekt’/ Nëna e Cristiano Ronaldo shfryn kundër kombëtares portugeze

Asllani para Izraelit: Nuk mund të luash për barazim, bashkë ia dalim!

Kombëtarja U-21/ Trajneri Bushi: Spanja kundërshtar i nivelit të lartë, do të luf*ojmë me shpirt e zemër

Sonte përballja e titanëve europianë Gjermani-Holandë

UEFA po shqyrton kandidaturën e Luis Figos kundër Infantinos për president të FIFA-s

Nga Belgjika te Belgjika, në dy muaj Italia rikthehet sërish në pikën e nisjes

Basketbollisti amerikan arrestohet me 34 kg kanabis në valixhe, tentoi të largohej duke braktisur bagazhet…




