E çuditshme por e vërtetë! Fabregas është tani trajneri më jetëgjatë në Serinë A

Mund të duket e çuditshme pasi ai është ndër trajnerët me moshën më të re në Serinë A, por Çesk Fabregas është aktualisht tekniku më jetëgjatë në pankinën e klubeve të elitës në Itali.

Trajneri spanjoll është në vitin e tij të tretë në Serinë A në drejtimin e kësaj skuadre, me të cilën ka arritur diçka të jashtëzakonshme si kualifikimi në Ligën e Kampioneve një sezon më parë dhe do provojë të bëjë të njëjtën gjë edhe aktualisht.

Këto paraqitje të tij me Komon, të cilin e shpëtoi qetësisht në vitin e parë, kanë bërë që në klub të mos u shkojë ndër mend ta largojnë, e as ai të largohet vetë, pavarësisht ofertave tunduese që ka marrë në Serinë A apo jashtë saj.

Aktualisht, ai është trajneri i vetëm që është në detyrë për më shumë se dy sezone radhazi në klubet e Serisë A, të cilat në vitet e fundit e kanë bërë rrugë të bëjnë vazhdimisht ndryshime në pankinë.