Masat e sigurisë janë shtuar ndjeshëm këtë të hënë përpara godinës së Kuvendit të Shqipëris&e...
SPORT
Oferta të çmendura pas akuzave për racizëm, kompania që bashkëpunon me FSHF për Kombëtaren kupton në kohë gabimin
PiranjatPërditësimi i fundit 21 Shkurt 2026, 08:37
Kompania, e cila shet fanellat origjinale të veshura nga lojtarët me një autograf të tyre, është bërë mjaft e njohur me bashkëpunimet me klube apo me federata duke tregtuar në këtë mënyrë për fansat e zjarrtë fanellat e idhujve të tyre nëpërmjet ankandeve të hapura. Edhe FSHF që nga viti 2023 ka nënshkruar një kontratë katërvjeçare me të, duke kaluar për ankand fanellat e futbollistëve të Kombëtares shqiptare
Por këtë javë, “Match Worn Shirts”, vendosi që si rrallëherë të tërhiqte në mes të ankandit një fanellë të veçantë. Ajo ishte fanella e Xhanluka Prestiani të Benfikës, ajo të cilën futbollisti mbante veshur në momentin kur u ndërpre ndeshja ndaj Realit për fjalët raciste që akuzohet se i ka thënë Viniciusit.
Duket se për tifozë të veçantë, kjo fanellë shihet si një trofe që duhet ruajtur kujtim dhe fanella me të cilin futbollist mbuloi gojën, nisi të merrte oferta shumë të larta, që arritën shpejt deri në 1 mijë euro.
Në këtë moment, kompania vendosi ta hiqte atë nga ankandi, duke mos e nxjerrë në shitje fanellën në fjalë, pasi nuk dëshironte që ky të kthehej në një trofe për persona me pikëpamje raciste.
