Këngëtarja Eli Fara ka reaguar publikisht pas shpërndarjes së një videoje intime, duke folur për cenimin e privatësisë...
SPORT
Ronaldo u tradhtua nga trajneri Jorge Jesus, zbulohet prapaskena te Portugalia
PiranjatPërditësimi i fundit 3 Tetor 2026, 14:22
Portugalia po vijon me rezultate pozitive në Nations League, duke regjistruar fitoren e tretë në po aq ndeshje dhe duke kryesuar Grupin 4 me pikë të plota. Megjithatë, në kampin luzitan vëmendjen kryesore vazhdon ta marrë çështja Cristiano Ronaldo.
Sulmuesi portugez u largua nga grumbullimi i kombëtares pasi mësoi se nuk do të aktivizohej ndaj Danimarkës, pas vendimit për ta lënë në stol edhe në ndeshjen kundër Norvegjisë.
Trajneri Jorge Jesus, megjithatë, nuk ka ndërmend të ndryshojë qëndrim. Pas fitores ndaj Danimarkës, tekniku portugez u shpreh i vendosur për zgjedhjet e tij.
“A më vendos në vështirësi çështja Ronaldo? Ajo që më vendos në vështirësi është të mos di se si t’i vendos lojtarët e mi në fushë. Mendoj se e kam skuadrën nën kontroll dhe do të doja që i gjithë vendi të ishte me mua”, deklaroi Jesus.
Ndërkohë, një tjetër zë i është bashkuar debatit. Gazetari spanjoll Edu Aguirre, mik prej vitesh i Cristiano Ronaldos, ka kritikuar ashpër trajnerin e Portugalisë dhe ka zbuluar një prapaskenë që, sipas tij, lidhet me përplasjen mes dy palëve.
“Ai i kërkoi falje në privat dhe i premtoi Ronaldos se do ta bënte të njëjtën gjë edhe publikisht. Por më pas doli në konferencë për shtyp dhe bëri të kundërtën, duke thënë shumë gënjeshtra. Në atë moment Cristiano shpërtheu, sepse u ndje i tradhtuar”, ka deklaruar Aguirre, sipas raportimeve të Corriere dello Sport.
Edhe shoku i skuadrës, Renato Veiga, ka pranuar se është në kontakt të afërt me Ronaldon, por ka shmangur komentet për situatën.
“Jam shumë i afërt me Cristiano Ronaldon dhe ai e di se kam shumë dashuri për të. Por më është urdhëruar të mos flas për këtë çështje. Nuk mund të flas”, u shpreh Veiga.
Në Portugali, ndërkohë, situata mbetet e tensionuar. Në një moment kur rezultatet sportive janë në anën e kombëtares, përplasja rreth kapitenit të saj vijon të jetë një nga temat kryesore në prag të sfidave të ardhshme.
