Thellohet fitorja e demokratëve në Dhomën e Përfaqësuesve

andidatët e Partisë Demokratike në Shtetet e Bashkuara shënuan edhe disa fitore të mërkurën pasdite, sipas parashikimit të televizionit CNN, duke e çuar në 240 numrin e përgjithshëm të ulëseve të siguruara, ndërsa edhe disa kandidatë nuk janë shpallur ende si gara të mbyllura.

Në Senat, ku demokratët tashmë kanë fituar 54 ulëse, duke ia marrë shtatë Partisë Republikane, garat në Alaskë dhe Misisipi janë ende të hapura, pasi dallimi në vota është i vogël. Mund të nevojiten disa ditë, madje edhe javë, para se të dalin rezultatet përfundimtare atje.

Teksa të dyja partitë po presin që të shohin rezultatet përfundimtare për garat në Kongres, republikanët kanë filluar që t’i gjejnë fajtorët për humbjen, ndërsa demokratët po i paraqesin prioritetet e tyre për periudhën kur të fillojë kontrolli i shumicës së ulëseve në janar.