Humbja e republikanëve godet perandorinë e Elon Musk, mbi 120 miliardë dollarë humbje për Tesla dhe SpaceX

Humbja e republikanëve në zgjedhjet e mesit të mandatit në SHBA ka sjellë pasoja edhe për perandorinë e biznesit të Elon Musk. Aksionet e Tesla dhe SpaceX kanë pësuar rënie, duke bërë që vlera e tyre e kombinuar në treg të ulet me më shumë se 120 miliardë dollarë.

Zhvillimi vjen në një moment kur Musk kishte investuar rreth 450 milionë dollarë në mbështetje të republikanëve, me synimin për të ruajtur kontrollin e tyre në Kongres. Sipas raportimeve nga mediat e huaja, një tjetër shqetësim për sipërmarrësin është situata e re politike në Teksas, ku ndodhen selitë dhe objektet kryesore të kompanive të tij. 

Fitorja e demokratëve mund të sjellë më shumë pengesa rregullatore për planet e Musk, veçanërisht për zgjerimin e qendrave të të dhënave dhe investimet në inteligjencën artificiale.

Në pikëpyetje është edhe bashkimi i mundshëm i Tesla-s me SpaceX, një projekt që synon të ndërthurë teknologjinë, robotikën, inteligjencën artificiale dhe aktivitetet hapësinore. Ndryshimi i balancave politike në Kongres mund të shtojë kontrollet dhe vështirësitë për realizimin e kësaj marrëveshjeje, ndërsa vihet në diskutim edhe mundësia që Musk të zhvendosë një pjesë të aktiviteteve të tij në një shtet tjetër amerikan.