U shtir si polic e bankier, zhvati mijëra franga nga të moshuarit/ 27-vjeçari shqiptar përfundon në pranga
U shtir si polic e bankier, zhvati mijëra franga nga të moshuarit - 27 vjeçari nga Kosova përfundon në pranga - Sinjali

Një skemë e mirëorganizuar mashtrimi telefonik ka dështuar në momentin e fundit në Lucern të Zvicrës, duke përfunduar me arrestimin në flagrancë të një 27-vjeçari nga Kosova, me vendbanim në Gjermani.
Gjithçka ndodhi pasditen e së enjtes, më 12 nëntor, kur alarmi u ngrit nga vetë zyrtarët e një banke, të cilëve u ra në sy tërheqja e një shume të majme prej disa mijëra frangash zvicerane nga një grua e moshuar. Duke dyshuar se diçka nuk shkonte, stafi i bankës njoftoi menjëherë policinë, shkruajnë mediat zvicerane trasnmeton Sinjali.
Pas hetimeve të shpejta, u zbulua se gruaja dhe bashkëshorti i saj ishin bërë pre e mashtruesve telefonikë. Këta të fundit i kishin kontaktuar disa herë viktimat, duke u prezantuar rrejshëm si punonjës banke dhe zyrtarë policorë. Përmes mashtrimeve dhe informacioneve të rreme, ata kishin arritur t’ua merrnin të moshuarve të dhënat e tyre bankare në internet, e më pas i kishin bindur që t’i tërhiqnin paratë nga llogaria për t’ua dorëzuar fizikisht.
Kurthi i policisë dhe prangat në vendngjarje
Pasi mori sinjalin nga banka, Policia e Lucernit vuri nën vëzhgim të rreptë lëvizjet e gruas dhe momentin e dorëzimit të parave.
Plani funksionoi me saktësi: në çastin kur 27-vjeçari nga Kosova u afrua dhe mori shumën e parave nga viktima, efektivët e policisë ndërhynë duke e kapur në flagrancë dhe duke i vënë prangat në vendngjarje.
Autoritetet zvicerane po vijojnë hetimet për të zbuluar nëse pas këtij rasti fshihen edhe persona të tjerë të përfshirë në këtë rrjet mashtrimesh.
Lexo edhe
KOSOVA
Dosja e kokainës/ Çfarë tha në gjykatë ish-ministri i Kulturës, Astrit Haraqija

EMRAT-FOTO/ Dy të rinj shqiptarë humbin jetën në një aksident tragjik në Gjermani

Zbardhen detaje të reja për vdekjen e 26-vjeçares në Prizren, dyshohet se kishte fshehur drogën në trup

U arrestua për drogë bashkë me Astrit Haraqijan, 26-vjeçarja motra e ish-kandidates për deputete të PDK-së

Programi skandaloz i Listës së Studentëve: Kosovën e konsiderojnë pjesë të Serbisë, kundërshtojnë anëtarësimin në organizata ndërkombëtar...





