Kryeministrja italiane Giorgia Meloni ka rikonfirmuar qëndrimin e saj ndaj presidentit amerikan Donald Trump, duke deklaruar hapur se nuk ka asnjë ars...
Presidenti amerikan Donald Trump ka ashpërsuar qëndrimin ndaj zgjedhjeve presidenciale në Brazil, duke i cilësuar ato si “një tur...
BOTA
VIDEO/ Momenti kur droni sulmon anijen dhe e fundos
PiranjatPërditësimi i fundit 29 October 2026, 21:20
Është publikuar një video që tregon momentin kur një dron detar godet një anije me pronësi greke në brigjet e Bullgarisë, në Detin e Zi, e cila më pas fundoset. Në pamje, droni shihet duke lëvizur me shpejtësi të madhe drejt anijes. Pasi ndryshon lehtë drejtimin, ai përplaset me të. Në pamjen pasuese, nga vendi i goditjes ngrihet një re e madhe tymi të zi.
Sipas informacioneve, bëhet fjalë për anijen Conthsip Jet, e cila lundronte nën flamurin e Liberisë. Anija pësoi dëme të mëdha pasi u godit nga tre dronë detarë, ndërsa lundronte në Zonën Ekskluzive Ekonomike të Bullgarisë, jashtë ujërave territoriale të këtij vendi. Ajo po vinte nga Haifa dhe kishte si destinacion Konstancën e Rumanisë.
Kompania Contships Management njoftoi se të gjithë anëtarët e ekuipazhit u shpëtuan. Në bord ndodheshin 14 shtetas filipinas dhe katër ukrainas, të cilët u transportuan në portin e Varnës, në Bullgari.
Dëmet e shkaktuara në anije u evidentuan edhe nga një avion francez patrullimi.
Ministria e Jashtme e Greqisë dënoi sulmin përmes një deklarate, duke i cilësuar këto goditje si të papranueshme dhe me rrezik për jetën e njerëzve.
Që nga fillimi i tetorit, mjete detare pa pilot dhe dronë kanë sulmuar rregullisht anije në Detin e Zi, pranë brigjeve të Rumanisë dhe Bullgarisë. Mes objektivave kanë qenë edhe anije të lidhura me transportin e grurit ukrainas dhe të ngarkesave të tjera.
Në total, të paktën nëntë anije të mëdha tregtare janë sulmuar gjatë muajit tetor në brigjet e Bullgarisë dhe Rumanisë. Ukraina akuzon Rusinë për këto sulme, ndërsa edhe autoritetet në Bukuresht dhe Sofje ia atribuojnë përgjegjësinë Moskës. /PiranjatNews/
?? Container ship sinks off Bulgaria after naval drone attack As previously reported by Bulgaria’s Defense Ministry, the Liberia-flagged Contship Jet was sailing from Haifa, Israel, to the Romanian port of Constanța and was hit three times. The damage was recorded by a French patrol aircraft. The crew of the container ship was rescued. Since the beginning of October, unmanned boats and drones have regularly attacked vessels in the Black Sea off the coasts of Romania and Bulgaria. Targets have included ships linked to the transport of Ukrainian grain and other cargo. In total, at least nine large commercial vessels have been attacked off the coasts of Bulgaria and Romania during October. Ukraine accuses Russia of the attacks. Bucharest and Sofia also place responsibility on Moscow.
