Kryeministrja italiane Giorgia Meloni ka rikonfirmuar qëndrimin e saj ndaj presidentit amerikan Donald Trump, duke deklaruar hapur se nuk ka asnjë ars...
Është ndarë nga jeta në moshën 78-vjeçare diplomati, ish-deputeti dhe publicisti Bashkim Zeneli. Ai ka ndërruar jetë n...
AKTUALITET
U transferua në Fier/ Veliaj del në ajrim i vetëm, vuan dënimin në sektorin ku ndodhen vetëm të paraburgosur
PiranjatPërditësimi i fundit 30 October 2026, 11:32
Kryetari i Bashkisë së Tiranës u transferua gjatë ditës së djeshme nga burgu i Durrësit në drejtim të atij të Fierit.
Mësohet se kreu i Bashkisë së kryeqytetit ka dalë gjatë ditës së sotme në ajrim i vetëm.
Ai ndodhet në godinën A, sektori 1, ku janë vetëm persona të paraburgosur.
Çështja e transferimit të Veliajt nga burgu i Durrësit në drejtim të atij të Fierit ka shkaktuar polemika të shumta.
Gjatë ditës së sotme, më 30 tetor Ministria e Drejtësisë u ka kthyer përgjigje zyrtare deputetëve të Partisë Socialiste, Bledi Çuçit dhe Fatmir Xhafajt, lidhur me transferimin e Veliajt.
Sipas burimeve të gazetares Klodiana Lala, ministri i Drejtësisë ka urdhëruar Drejtorinë e Përgjithshme të Burgjeve të kryejë inspektimin e 24 transferimeve të të burgosurve, të realizuara gjatë 11 ditëve të fundit. Kontrolli synon të verifikojë procedurat dhe rrethanat në të cilat janë kryer këto transferime, përfshirë edhe atë të Erion Veliajt.
Pritet tashmë përgjigjja e Drejtorisë së Përgjithshme të Burgjeve, e cila do të raportojë për rezultatet e inspektimit dhe verifikimet e kryera.
