Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
E rëndë në Vlorë/ Automjeti përplaset me mjetin e tonazhit të rëndë, një i vdekur dhe një plagosur U arrestua nga policia greke, gjykata merr vendimin për Odise Dhimën! I ndalohet edhe peshëngritja  Aksident në Elbasan! Makina përplas të moshuarin, këmbësori pëson plagë të rënda Kombëtarja U-21/ Trajneri Bushi: Spanja kundërshtar i nivelit të lartë, do të luf*ojmë me shpirt e zemër... Sonte përballja e titanëve europianë Gjermani-Holandë ‘Japin pak dhe marrin shumë’/ Zhupa: Buxheti i Ramës, mekanizëm për vjedhje dhe blerje votash Pastrim parash në bashkëpunim dhe më shumë se një herë/ Igli Tare mes emrave në dosjen e dorëzuar për gjyki... Dosja Balluku në gjykatë/ Kush janë 25 personat dhe dy kompanitë e tjera të pandehura nga SPAK? 10 tenderat... REL: Kënga nacionaliste serbe në koncertin e BE-së, gabim njerëzor apo provokim ndaj Kosovës? UEFA po shqyrton kandidaturën e Luis Figos kundër Infantinos për president të FIFA-s Ndryshoi pamjen dhe mori identitetin e motrës, si u zbulua grabitësi në Turqi SPAK dërgon për gjykim dosjen penale ndaj Belinda Ballukut
LIFESTYLE

VIDEO/ Sherr në televizion, dy të ftuarit përleshen gjatë transmetimit LIVE

P
Piranjat16 November 2026, 18:28 · 2 min lexim
VIDEO/ Sherr në televizion, dy të ftuarit përleshen gjatë

Studioja e televizionit shtetëror të Armenisë u kthye në një arenë përleshjeje, pasi dy të ftuar në një emision politik fillimisht shkëmbyen fyerje dhe më pas u përfshinë në një konflikt fizik, gjatë transmetimit të drejtpërdrejtë.

Ngjarja shkaktoi reagime të forta politike, ndërsa një artikull i publikuar nga media armene Hraparak ka rikthyer në vëmendje të kaluarën e dy personave të përfshirë, duke ngritur gjithashtu pretendime për lidhjet e tyre politike.

Protagonistët e përplasjes ishin gazetari Boris Murazian, i cili përfaqësonte opozitën, dhe politologu Harutjun Mkrtçian, mbështetës i kryeministrit të vendit, Nikol Pashinian.

Tensionet shpërthyen gjatë emisionit “The Great Debate”, i cili i kushtohej agjendës politike të forcave të bashkuara opozitare. Debati verbal u përshkallëzua me shpejtësi, ndërsa dy burrat shkëmbyen ofendime dhe kërcënime të rënda.

Në një moment, ata u ngritën nga vendet e tyre dhe nisën të godisnin njëri-tjetrin, duke e kthyer studion në një arenë boksi. Përplasja detyroi ndërprerjen e emisionit, ndërsa ndërhyrja e personelit të sigurisë ishte e nevojshme për të ndarë dhe larguar dy protagonistët.

Televizioni Publik Armen publikoi pamjet e incidentit më 16 nëntor, një ditë pas ngjarjes së ndodhur më 15 nëntor.

Rasti shkaktoi reagimin edhe të Komisionit të Televizionit dhe Radios në Armeni, i cili shprehu shqetësimin për transmetimin pa redaktim të fyerjeve dhe skenave të dhunës fizike. /PiranjatNews/

 

 

SHPËRNDAJE

Lexo edhe

LIFESTYLE

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.