Buxheti i shtetit ka regjistruar një suficit rekord prej 70.3 miliardë lekësh (rreth 756 milionë euro) në nëntë muajt të...
SPORT
Xhaka pjesë e ekipit për ndeshjet e fundit në Ligën e Kombeve? Federata e Zvicrës merr vendimin për kapitenin shqiptar
PiranjatPërditësimi i fundit 27 October 2026, 18:22
Granit Xhaka do të rikthehet në përfaqësuesen e Zvicrës, duke lënë pas pezullimin që e mbajti jashtë skuadrës për shkak të çështjes së certifikatës së falsifikuar të COVID-19.
Federata Zvicerane e Futbollit ka vendosur t'i japë një tjetër mundësi mesfushorit shqiptar, duke konfirmuar jo vetëm rikthimin e tij për ndeshjet e Ligës së Kombeve kundër Sllovenisë dhe Skocisë, por edhe vazhdimin e rolit si kapiten i kombëtares.
Drejtuesit e futbollit zviceran e morën vendimin pasi shqyrtuan rrethanat e çështjes, procedurat ligjore dhe pasojat sportive që kishin shoqëruar këtë episod.
Drejtori i kombëtares zvicerane, Pierluigi Tami, shpjegoi për faqen zyrtare të Federatës arsyet që çuan në rikthimin e Xhakës.
“Ne e shqyrtuam këtë çështje nga këndvështrime të ndryshme. Në vendimin tonë morëm parasysh rrethanat specifike të të dyja rasteve, procedurat ligjore që tashmë kanë përfunduar, si dhe pasojat sportive që kanë ndodhur deri më tani.
Jemi të bindur se rikthimi në ekipin kombëtar në nëntor është një vendim i përgjegjshëm dhe veprimi i duhur”, deklaroi Tami.
Me këtë vendim, Federata Zvicerane i rikthen Xhakës edhe përgjegjësinë e drejtimit të skuadrës në fushë, duke mos e kushtëzuar vazhdimin e rolit të kapitenit me episodin që solli pezullimin.
Përveç Xhakës, në grumbullimin e nëntorit pritet të rikthehet edhe sulmuesi Breel Embolo.
Federata Zvicerane do të publikojë më 5 nëntor listën përfundimtare të futbollistëve për dy përballjet me Slloveninë dhe Skocinë.
