Ka nisur marshimi i studentëve nga Parlamenti drejt Ministrisë së Arsimit, ku prej 17 ditësh ata kërkojnë në mënyrë...
SPORT
Zyrtare/ Armando Broja mëson emrin e trajnerit të ri, kush është zvicerani që do drejtojë sulmuesin e Kombëtares
PiranjatPërditësimi i fundit 29 October 2026, 13:39
Armando Broja ka një trajner të ri. Burnley zyrtarizoi këtë të enjte ardhjen në stol te Fabio Celestinit, 50 vjeçarit që ka një të kaluar në kampionatin zviceran, por që së fundmi ka drejtuar skuadrën e CSKA Moskë në Rusi.
Celestini zëvendëson në pankinën e Burnley ish trajnerin Nicky Hayen të shkarkuar. Ajo që mbetet për t’u kuptuar me ardhjen e zviceranit, është situata e Armando Brojës.
Sulmuesi i kombëtares shqiptare me Hayen, aktivizohej shumë pak, ndërkohë që ai po përballet me një dëmtim të ri të pësuar përpara pak ditësh në sfidën me Lincoln ku ishte hedhur në fushën e lojës si titullar por që ndeshja e tij zgjati vetëm 13 minuta.
Kjo nuk do të jetë hera e parë që një futbollist shqiptar punon me Fabio Celestinin. Në 2019, kur ai ishte në pankinën e Luganos, Celestini ka punuar me Armando Sadikun me të cilin ka pasur edhe një përplasje. Në kampionatin zviceran ai ka drejtuar edhe Baselin drejtimin e të cilit e mori në 2023 për ta udhëhequr pas 18 muajsh drejt fitores së kampionatit dhe Kupës së Zvicrës. Tani detyra e tij është të shpëtojë Burnley që është në vendin e 22 të klasifikimit në Championship.
