Gazetarët e Piranjat News kanë zbuluar se si funksionon tregu i paligjshëm i pasaportave bullgare që u ofrohen qytetarëve shqiptar&eum...
AKTUALITET
130 familje në rrezik nga ujërat e zeza në Astir, banorët kërkojnë ndërhyrje urgjente
PiranjatPërditësimi i fundit 28 October 2026, 10:37
Rreth 130 familje që jetojnë në pallatin “Lorena 6”, në rrugën Stefan Shundi, në zonën e Astirit në Tiranë, po përballen me një situatë shqetësuese për shkak të përhapjes së ujërave të zeza në ambientet e përbashkëta të pallatit.
Në një denoncim të mbërritur në redaksinë e “Piranjat News”, banorët pretendojnë se problemi ka dalë jashtë kontrollit, duke prekur shkallët, garazhet dhe hapësirat përreth godinës. Sipas tyre, era e rëndë dhe ndotja e ambienteve kanë krijuar kushte të papranueshme higjieno-sanitare, duke ngritur shqetësime për shëndetin e banorëve, veçanërisht të fëmijëve dhe të moshuarve.
Banorët bëjnë me dije se i janë drejtuar institucioneve përgjegjëse, përfshirë Bashkinë e Tiranës dhe Ujësjellës-Kanalizime Tiranë (UKT), me kërkesën për zgjidhjen e problemit. Megjithatë, sipas tyre, pavarësisht ankesave të bëra, situata vijon të mbetet e pazgjidhur.
Përmes denoncimit, banorët kërkojnë ndërhyrje urgjente në terren dhe një zgjidhje përfundimtare për problemin e kanalizimeve, duke theksuar se nuk mund të vazhdojnë të jetojnë në këto kushte.
Ata kërkojnë gjithashtu që institucionet përgjegjëse të japin llogari për mungesën e një zgjidhjeje, ndërsa presin masa konkrete për rikthimin e kushteve normale të higjienës dhe sigurisë në pallat.
Redaksia e “Piranjat News” publikon këtë denoncim në interes të banorëve dhe të problematikës së ngritur prej tyre. Mbetet për t’u verifikuar situata në terren dhe për t’u marrë një reagim nga institucionet përgjegjëse./Piranjat News
