Kreu i Partisë Demokratike, Sali Berisha, ka komentuar kontrollet e ushtruara një ditë më parë nga SPAK në banesën dhe zyra...
AKTUALITET
Detaje nga dosja e Xhuana Nikollajt/ Dalin mesazhet me motrën për Eraldo Fizin. Nga se kishte frikë ajo
PiranjatPërditësimi i fundit 3 Tetor 2026, 16:34
Detaje të reja janë zbardhur nga dosja hetimore për vetëvrasjen e Xhuana Nikollajt, ku janë administruar dëshmi dhe komunikime të saj të zhvilluara pak para ngjarjes tragjike. Në kuadër të hetimeve është marrë dëshmia e një prej mikeshave me të cilën Xhuana ndante banesën me qira, si dhe janë sekuestruar dhe analizuar komunikimet e saj me motrën.
Nga këto komunikime rezulton se Xhuana i kishte treguar motrës për situatën dhe shqetësimet që po përjetonte. Motra e kishte këshilluar të drejtohej në polici dhe të denonconte Eraldo Fizin për dhunën që ushtronte ndaj saj. Megjithatë, Xhuana kishte refuzuar, duke shprehur frikën se një denoncim mund të sillte pasoja për babain e saj.
Sipas komunikimeve, ajo kishte frikë se Fizi mund t’i bënte diçka të keqe të atit. Një tjetër element i përfshirë në dosjen hetimore lidhet me mbrëmjen para ngjarjes. Sipas të dhënave të administruara nga hetuesit, konflikti dyshohet se lidhej me një ekskursion pune ku Xhuana kishte marrë pjesë me rastin e festave të 7 dhe 8 Marsit.
Në dosje ngrihet dyshimi se Eraldo Fizi e kishte ndjekur Xhuanën pas ekskursionit. Në dëshmitë e motrave të Xhuana Nikollajt përmenden gjithashtu debate të herëpashershme mes saj dhe Fizi. Sipas dëshmive, ai i dërgonte herë pas here video ku Xhuana shfaqej duke lëvizur me shpejtësi të lartë, duke shprehur se do të lëndonte veten pas ndarjes.
Sipas motrës së saj, Fizi i bënte gjithashtu presion Xhuanës duke i thënë se do të lëndonte babain e saj, pasi e dinte se ajo ishte veçanërisht e ndjeshme ndaj tij. Në dëshmitë e tyre thuhet gjithashtu se ai e kishte kërcënuar se do t’i tregonte babait të Xhuanës se ishte pikërisht ai që e kishte dhunuar një natë më parë.
Të gjitha këto dëshmi, komunikime dhe të dhëna po analizohen nga grupi hetimor, në përpjekje për të rindërtuar dinamikën e plotë të ngjarjeve që i paraprinë vetëvrasjes së të resë. Ndërkohë, një nga elementet që ende mbetet për tu sqaruar është mënyra dhe vendi ku Xhuana kishte siguruar fostoksinën.
