Veprime të turpshme, Gjykata e Fierit vendos për këngëtarin Erind Xhaferi

Gjykata ka caktuar masën e sigurimit personal “arrest në shtëpi” për këngëtarin Erind Xhaferi, pas shqyrtimit të kërkesave të Prokurorisë.
Prokuroria kishte paraqitur dy kërkesa; vleftësimin e ligjshëm të arrestit në flagrancë dhe caktimin e masës së sigurimit personal “arrest në shtëpi” për të dyshuarin.
Në përfundim të shqyrtimit gjyqësor, gjykata pranoi të dyja kërkesat e Prokurorisë.
Ndaj tij është ngritur dyshimi për kryerjen e veprës penale të parashikuar nga neni 108 i Kodit Penal, “Vepra të turpshme”.
Sipas të dhënave paraprake, hetimi ka nisur pas një telefonate të bërë nga vajza të mitura në sallën operative të Policisë së Fierit.
Pas marrjes së informacionit, shërbimet e Komisariatit të Fierit kanë kryer verifikimet në terren dhe kanë organizuar veprimet operacionale për dokumentimin e rastit.
Xhaferi është arrestuar në flagrancë, ndërsa materialet procedurale i janë referuar Prokurorisë së Fierit për veprime të mëtejshme.
Lexo edhe
AKTUALITET
"Kam frikë për jetën time"/ 23-vjeçarja denoncon ish-partnerin shqiptar për dhunë dhe kërcënime: Më rrahu edhe kur mbaja fëmijën në krah...

Jo vetëm Ardi Veliut/ SPAK i sekuestron telefonin Aleks Markut dhe Ron Yeffet

Rindërtimi i 9 pallateve në lagjen 5 në Durrës, premtim i pambajtur

Apel urgjent për ndihmë: 79-vjeçari me demencë humbet kontaktet, familjarët kërkojnë ndihmën e qytetarëve

Zjarr i përmasave të mëdha në kullotat e Karjanit në Gjirokastër





