Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Dënimi i dytë i Thaçit dhe rreziku i përplasjeve të reja në Kosovë Aksident i rëndë, gazetari sportiv përplaset nga autobusi, detajet e para Tensione para Kryeministrisë, policia nuk lejon qytetarët të protestojnë, hedhin spray lotsjellës Speca me prani të lartë nikeli/ Kroacia bllokon sërish ngarkesat nga Shqipëria, hera e pestë në pak muaj Gjobë 1 milion lekë në muaj çdo filiali poste në Durrës, ja si ngriti skemën Fetah Mataj! Zbardhen dëshmitë... Tensione te Kryeministria, policia shtyn me forcë qytetarët në trotuar “Jalta e re” zgjati 80 minuta/ Fituesit dhe humbësit e takimit historik mes Xi, Trump dhe Putin Skandali në Postën e Durrësit/ Jo vetëm pensionet, dyshohet se u vodhën edhe pagesat e qytetarëve për Kadas... Pse kryeministri kanadez shkoi në Kinë dhe nuk mori pjesë në bisedimet e sotme për Ukrainën? Haaland i jashtëzakonshëm, arrin 68 gola sa Mbappe por me 47 ndeshje me pak Arrestohet në Shkodër 45-vjeçari i shpallur në kërkim nga Italia, pritet ekstradimi “Lulet vyshken, por dashuria mbetet gjithmonë”, Brikena Selmanaj merr dhuratën e veçantë, mesazhi i saj ngr...
AKTUALITET

Dy ditë në pritje, Wizz Air bllokon pasagjerët shqiptarë në aeroportin e Barcelonës

P
Piranjat 5 October 2026, 12:40 · 3 min lexim
Dy ditë në pritje, Wizz Air bllokon pasagjerët shqiptarë

Dhjetëra qytetarë shqiptarë kanë mbetur të bllokuar në aeroportin e Barcelonës, pasi nuk kanë mundur të udhëtojnë drejt Tiranës me kompaninë ajrore Wizz Air.

Problemet kanë nisur që prej ditës së djeshme, kur fluturimi i planifikuar për në kryeqytetin shqiptar u shty fillimisht dhe më pas u anulua.

Sipas dëshmive të pasagjerëve, nisja ishte parashikuar të kryhej gjatë ditës së djeshme, por kompania e shtyu fluturimin për në orën 03:00 të mëngjesit. Më vonë, udhëtarët u njoftuan se fluturimi nuk do të realizohej.

Pas anulimit, atyre iu dhanë bileta për një tjetër udhëtim, të planifikuar për mesditën e sotme. Por edhe kjo zgjidhje rezultoi problematike.

Pasagjerët tregojnë se kishin kryer procedurat në aeroport dhe kishin arritur deri te porta e imbarkimit, kur u komunikua se biletat që dispononin nuk ishin të vlefshme. Si pasojë, ata nuk u lejuan të hipnin në avion dhe mbetën sërish në aeroport.

Pasagjerët kërkojnë ndihmë, por nuk marrin përgjigje

Qytetarët pretendojnë se, pavarësisht përpjekjeve për të kontaktuar kompaninë ajrore, nuk kanë marrë një përgjigje konkrete se kur do të mund të udhëtojnë drejt Shqipërisë.

Sipas tyre, përfaqësuesit e Wizz Air në aeroportin e Barcelonës u kanë kërkuar të kontaktojnë qendrën telefonike të kompanisë, por edhe kjo rrugë nuk ka dhënë rezultat, pasi telefonatat drejtohen përmes një sistemi automatik.

Shqetësimi është shtuar edhe nga mungesa e komunikimit me institucionet shqiptare. Një prej pasagjerëve i ka deklaruar Vox News se kanë tentuar të kontaktojnë Ministrinë për Evropën dhe Punët e Jashtme, si dhe Ambasadën Shqiptare në Spanjë, por nuk kanë marrë përgjigje.

“Kemi dy ditë që rrimë në aeroport dhe sot, që marrim në telefon Ministrinë e Jashtme dhe Ambasadën Shqiptare në Spanjë, askush nuk përgjigjet”, është shprehur një prej udhëtarëve.

Ndërkohë, pasagjerët vijojnë të presin një zgjidhje për kthimin në Tiranë, ndërsa mbetet e paqartë se kur do të realizohet fluturimi i tyre.

SHPËRNDAJE

Lexo edhe

AKTUALITET

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.