E rëndë në Vlorë/ E moshuara goditet me s*patë dhe abuzohet s*ksualisht nga një 43-vjeçar

Një ngjarje e rëndë raportohet në fshatin Akërni, ku një 70-vjeçare dyshohet se është dhunuar dhe grabitur në banesën e saj.

Sipas policisë, ngjarja ka ndodhur më 26 shtator, ku një 43-vjeçar nga fshati Akërni i cili banonte në të njëjtin pallat me të moshuarën, dyshohet se ka trokitur në derën e saj.

Pasi e moshuara ka hapur derën, ai e ka goditur me sëpatë në kokë. 70-vjeçarja ka mbetur pa ndjenja, ndërsa 43-vjeçari dyshohet se ka kontrolluar banesën dhe ka marrë rreth 700 mijë lekë te vjetra që ndodheshin aty.

Dyshohet se para se të largohej nga banesa, 43-vjeçari ka abuzuar seksualisht me 70-vjeçaren. Pas denoncimit të ngjarjes, policia ka marrë në pyetje të moshuarën dhe ka sekuestruar si provë sëpatën me të cilën dyshohet se është kryer goditja. 43-vjeçari F. Y është shpallur në kërkim, ndërsa vijojnë hetimet për dokumentimin e plotë të ngjarjes.