Policia kap “mat” turistin e rremë shqiptar, ja ku e fshehu kokainën kur mbërritën efektivët

Një tjetër “turist” nga Shqipëria ka mbërritur në Terni vetëm për të shpërndarë kokainë derë më derë në qendër të qytetit. Ai e kishte fshehur drogën në këpucët e tij, kur u ndalua nga policia në Viale della Stazione, në lokalin ku sapo ia kishte dorëzuar dozën një klienteje dhe kishte marrë paratë.

Hetuesit e policisë gjetën pjesën tjetër të kokainës në dhomën e hotelit në qendër të qytetit, ku qëndronte i riu shqiptar, i cili nuk kishte precedentë penalë. Në total u sekuestruan 34 doza kokaine dhe 450 euro cash, të cilat dyshohet se ishin përfituar pas vetëm disa orësh aktivitet.

I riu u arrestua dhe u prangos, por më pas u lirua pas gjykimit të drejtpërdrejtë. Gjatë seancës për vleftësimin e arrestit, gjyqtari vendosi si masë paraprake ndalimin e qëndrimit të tij në territorin e rajonit të Umbrias. Operacioni u zhvillua nga karabinierët e Njësisë së Radiomobilit në fund të pasdites së së enjtes.

Disa banorë u kishin raportuar karabinierëve praninë e një të riu me shumë tatuazhe, i cili po lëvizte në zonën pranë stacionit të trenit. Sipas raportimeve të tyre, ata dyshonin se ai merrej me shpërndarjen e drogës derë më derë.

Karabinierët nisën të monitoronin lëvizjet e tij dhe e panë të riun me tatuazhe teksa takohej me një kliente nga Terni në një lokal shumë pranë stacionit.

Ndërsa po largohej nga lokali, i riu u ndalua nga një patrullë. Gjatë kontrollit personal, atij iu gjetën tetë pako me kokainë të fshehura brenda këpucëve.

Kontrolli u zgjerua më pas në dhomën e hotelit në qendër të qytetit, ku qëndronte i riu shqiptar. Aty u gjetën edhe 26 doza të tjera kokaine, me një peshë totale prej 27 gramësh, si dhe 450 euro në para të gatshme.

Një tjetër “turist” shqiptar që kishte mbërritur në Terni, dyshohet se për të punuar në emër të personave që drejtojnë rrjetin e trafikut të drogës, dhe që nuk kishte precedentë penalë, është arrestuar dhe ndaj tij është vendosur ndalimi i qëndrimit në rajonin e Umbrias.